| Original Title | Dialect | Informant | Genre Form | Genre Content | ID | glossed | Audio |
|---|---|---|---|---|---|---|---|
| turman kol waːrawe, ulʲa lapxariɣtawe, isnas lap sowl taɣata | northern mansi (NM) | Pakin, Semeon | mixed (mix) | Mythological Texts (myt) | 1088 | – | – |
| Text Source | Editor | Collector |
|---|---|---|
| Kannisto, Artturi / Liimola, Matti. 1951. Wogulische Volksdichtung I, pp. 326-330 | Liimola, Matti | Kannisto & Liimola (KL) |
| English Translation | German Translation | Russian Translation | Hungarian Translation |
|---|---|---|---|
| ""Dark Hut". Magical Song of the Old Man from the Holy Ural in the Source Region of the Sosva." | ""Dunkle Hütte". Zauberlied des Alten des heiligen Urals in der Quellgegend der Sosva." | – | – |
| by Kannisto, Artturi |
| Citation |
|---|
| Kannisto & Liimola: OUDB Northern Mansi Corpus. Text ID 1088. Ed. by Janda, Gwen Eva. http://www.oudb.gwi.uni-muenchen.de/?cit=1088 (Accessed on 2024-05-03) |
| turman kol waːrawe, ulʲa lapxariɣtawe, isnas lap sowl taɣata |
| turman kol waːrawe, ulʲa lapxariɣtawe, isnas lap sowl taɣatawe, akʷaɣ turman os oːli. mulipaːlən sʲar sistam toːwlʲ meːsɣəl sakʷatim pinawe, tuwl ta numpaːləl sistam kuwsʲ man molʲsʲaŋ pinawe, tuwl ta numpaːl nʲaːlpaːrt, tuwl oːs xuːrəm nʲaːl, keːrəŋ oːwlanəl paɣlʲe pinawet. nʲajtxum paɣ paːlən ta xuji, nomte jolipaːlt pojki. akʷ xum saːŋkʷəlti. mosʲ uːnlawe, astaːl uːnlawe.nʲajtxum uːsinti: pupiɣ tiɣl ti joxti, mirɣəneːt ta sujti. suje xoliɣpi, juw ti pati nʲaːlpaːrt tarməl, nas suːlʲɣəneːt sujti. mosʲ oːli, moːtan joxti, suje suməlli i joxti. kitax, xuːrmax pupiɣ joxteɣt, nʲaːl raːteɣt, raːteɣt. tolmasʲanəl noːŋx ti sajkatijanəl. kajəŋkʷ ti pati: “eːlʲəŋ nʲoːr, xansaŋ nʲoːr sisəmt | aːŋxa ismaŋ, xulax ismaŋ | saːt nʲoːrnʲol numpaːlnəl | xaːrenpuŋki laːkʷəŋ kʷaːliɣ | ta puwsləm. | nʲoːrsʲisirəp sirəŋ kol numpaːlən, | nʲoːrsʲipeːrpa peːrəŋ kol numpaːlən | xaːrpuŋki laːkʷəŋ kʷaːliɣ | tiɣ ti neːɣsləm. | saːs lʲuːlʲit mil tuːm | tot ta jaliɣleɣt. | jaɣm jiraŋ xuːrəm kojəm, | aːsʲm jiraŋ xuːrəm kojəm! | sʲaːliɣ aːxʷtas narəŋ sultəm issəm, | mor aːxʷtas narəŋ sultəm issəm. | aːɣim uːliŋ sajk pasʲal uːnleːn, | piɣm uːliŋ sajk pasʲal uːnleːn! | man nakəŋ jiːw saːt aːrtən xoːjasənʲ, | man sipəŋ jiːw saːt aːrtən xoːjasənʲ? | man eːŋəntaːl sun site xartijin? | saːt nʲaːl pinəm luməŋ paːrt numpaːlən | jasəm xansa xuːrəm tow jasiləm, | jasəm xansa nʲila tow xansiləm. | am ti uːnlən soːrnʲixuːrpa jalpəŋ tuːr waːtamnəl | tuwl xojne asʲarmnʲolp nʲoləŋ woːtən xoːjawen. | am ti osʲne tuːrsoːrnʲi owmaŋ nomtəm | man taːl poːlʲam jaːŋkəŋ jiːwiɣ poːlʲləslən, | man tuː poːlʲam jaːŋkəŋ jiːwiɣ poːlʲləslən? | anʲ poːlʲamtaːlp taːləŋ jiːw | taːle xumlʲe parɣəŋkʷ pats! | tuːrsoːrnʲi owmaŋ nomtəm | eːla ta xulʲiɣtiləm. | lʲakʷsampa saməŋ rakʷ ke rakʷi, | nʲowlʲiɣ os puːxti, | maːltipnʲolpa nʲoləŋ woːt ke woːti, | luwiɣ os puːxti! | soːrnʲisaɣpa saɣəŋ xoːtal | saɣe xumlʲe puːnsi, | eːlalʲ oːlne aːɣijisaŋ jisaŋ xoːtal | eːlalʲ puːnseːlən! | piɣm uːliŋ sajk pasʲal xulʲteːn, | aːɣim uːliŋ sajk pasʲal xulʲteːn! | saːtnʲeːlmup teːrənnaj sʲanʲən | noːŋxpeːlamteːlən!“ | ti laːtəŋ lawne porat ulʲa ti sartəmtawe; nʲaːlt nʲaːlpaːrt tarməl jola ta raɣateɣt. anʲ maləŋ naŋki nʲaːl at onʲsʲsən, pupiɣ tawki nʲaːl ke totiɣləs, nʲaːlane jottotijane. |