| Original Title | Dialect | Informant | Genre Form | Genre Content | ID | glossed | Audio |
|---|---|---|---|---|---|---|---|
| eːkʷa piɣrisʲ nʲaːl paːxwti | northern mansi (NM) | prose (pro) | Tales (tal) | 1229 | glossed | Audio |
| Text Source | Editor | Collector |
|---|---|---|
| Ромбандеева, Евдокия Ивановна (1996). Маньси мойтыт (Мансийские сказки). Санкт-Петербург: Алфавит. 15-22 | Rombandeeva, Evdokija Ivanovna | Rombandeeva (RO) |
| Citation |
|---|
| Rombandeeva 1996: OUDB Northern Mansi Corpus. Text ID 1229. Ed. by Janda, Gwen Eva. http://www.oudb.gwi.uni-muenchen.de/?cit=1229 (Accessed on 2024-11-22) |
| Informant | Year of Birth (Informant) | Subdialect (Informant) | Collector | Date of Recording | Place of Recording | recorded by |
|---|---|---|---|---|---|---|
| Rombandeeva (RO) |
| eːkʷa piɣrisʲ nʲaːl paːxwti |
| eːkʷa piɣrisʲ aːkʷeːntəl oːleːɣ. xosa oːlsəɣ, waːtʲi oːlsəɣ, akʷmateːrtn eːkʷa piɣrisʲ laːwi: – aːkʷmeːkʷ, aːnumn nʲaːl waːrn, joːwt waːrn. am kon jonɣeːɣm. aːkʷjeːkʷ laːwi: – nʲaːləl waːrilum, joːwtəl waːrilum. top naŋ ta naːŋkne turman xoːwt sʲaxəln ul miːnen. tuw jalum maːxman xoːt oːleːɣət! eːkʷa piɣrisʲ laːwi: – aːtʲi, at mineːɣm. ja ti, nʲaːləl ta waːrwes, joːwtəl waːrwes. kon kʷaːləs ta jonɣi, tiɣlʲe paːxwti, tuwlʲe paːxwti. akʷmateːrtn nʲaːlʲe ta xoːwt sʲaxəln ta raɣatas. tuw miːnas, ta tʲisxati. akʷmateːrtn sunsi: saːs paːjpəŋ eːkʷa ti juw. taw palte joxtəs, laːwi: – apiɣkʷeː, apiɣkʷeː, am paːjpum tʲiːwərn waːɣləpaːli, nʲaːln am tʲinsilm. eːkʷa piɣrisʲ laːtəŋ xuːlne xum, paːjp tʲiːwərn ta sʲaltapas. ja ti, sisi xaːjttaŋkʷe ta patwes. eːkʷa piɣrisʲ sʲeːpeːnl sʲoxrite leːɣmatas, taw kaːrali, ta kaːrali, as waːrapas, tuwl kon kʷaːlapas, ta roːŋxuwlas: – aːkʷmeːkʷuːw, am kon ta patapasum! – sar laːsʲal, anʲ saːs paːjpnəl kʷalsən, tʲeːr paːjpənl oːs xunʲ kʷaːleːɣn! eːkʷa piɣrisʲ juw miːnas, oːs ta oːli. xolətan kʷaːləs, kon kʷaːləs, nʲaːl ta paːxwti, tiɣlʲe paːxwti, tuwlʲe paːxwti. anʲ nʲaːlʲe osta xoːwt sʲaxəln raɣatas. tuw miːnas, ta tʲinsite. sunsi: akʷmateːrtn aːkʷe osti juw. tʲeːr paːjp sisn xuːntmum. tiɣ joxtəs, laːwi: – apiɣkʷe, am paːjpum tʲiːwərn sʲaltapaːln, nʲaːln am tʲinsilm. eːkʷa piɣrisʲ laːtəŋ mos oːlne xum, os taːkʷe paːjp tʲiːwərn sʲaltapas. ja ti, osta sisi xaːjttawe anʲ akʷtʲeteːn. osta kaːrali, osta kaːrali osʲsʲa sʲoxritʲeːteːtl. kaːralas, kaːralas, as pasmatas, osta kon kʷaːlapas, roːŋxuwlas: – aːkʷmeːkʷ-uːw, am osta kon patapasum! – sap laːsʲal, saːs paːjpənl kʷaːlsən, tʲeːr paːjpəln kʷaːlsən, aːxwtas paːjpənl oːs xunʲ kʷaːleːɣn! eːkʷa piɣrisʲ juwlʲe ta xajti. juw joxtəs, os aːkʷent eːt xuːlsəɣ, kon kʷaːls osta nʲaːl paːxwti, jonɣasi, tiɣlʲe paːxwti, tuwlʲe paːxwti. nʲaːl osta xoːwt sʲaxəln raɣatas. tuw joːmantas, ta tʲinsite. akʷmateːrtn aːkʷe osti juw. aːxwtas paːjp sisn xuːntmum. tiɣ joxtəs, laːwi: – apiɣkʷe, am paːjpum tʲiːwərn waːɣləɣpaːln, nʲaːln am tʲinsilm. eːkʷa piɣrisʲ laːtəŋ mos oːlne xum, osta waːɣləɣpas. anʲ akʷeːn osta sisi xaːjttawe. timos laːwi: – naŋ saːs paːjpənl kʷaːlsən, tʲeːr paːjpənl kʷaːlsən, aːxwtas paːjpənl oːs xunʲ kʷaːleːɣn! eːkʷa piɣrisʲ osʲsʲa sʲoxritʲeːte leːɣmatas, ta kos kaːralas, ta kos kaːralas, akʷmateːrtn sʲoxritʲeːte supiɣ ta toːlmatas. ja ti, ta totawe. akʷmateːrtn aːkʷeːn woːr koln ta totwes, juw tuːlwes, paːjpənl kon leːwataːwes, aːŋkripn jol neːɣsalaːwes. eːt xulsət, xolətan kʷaːlsət, anʲ aːkʷanəl nʲaːwramaɣ nopəl laːwi, aːɣirisʲaɣ piɣrisʲaɣ nopəl laːwi: – neːn tawe taksʲ uːreliːn! am nʲoːwlʲ paːjtn naːjiːwn jaːleːɣm. ti janət uːj, oːrm naːjiːwn xunʲ toːwlaːwe. jomsʲakʷeːɣ taːksʲ uːreliːn, xot ul peːsteliːn! ja ti, eːntapaxtas, kon kʷaːlapas, saɣrape kaːt xuːxnʲin pinumtas ta miːnas. taw tuːp sisi patəs, eːkʷa piɣrisʲ laːwi: – aːɣirisʲiɣ, piːɣrisʲiɣ, aːnum xot peːsteliːn, neːnan am sʲopər sʲoːnaxəl waːrijaːɣum. amtʲi tʲeːlpum ajne maːɣəs uːmpi supəl waːrijaːɣum. ja ti, nʲaːwraməɣ sʲaːɣtsəɣ, xot ta peːsmatwes! xot peːstawes, saːɣrap wis, jiːw sup pins, ta tarməl ta saːɣrasʲlaxti. akʷmateːrtn laːwi: – aːɣirisʲiɣ piɣrisʲakʷeːɣ, tiː jaleːn, sunseːn, manər puːmasʲ utkʷe teːlapam! nʲaːwraməɣ tiɣ xaːjtsəɣ, sujteːɣ: – xoːt oːli? akʷaɣ neːmatər aːtʲim! – titti, titti! – eːkʷa piɣrisʲ laːwi. teːn lʲapannuw xuːtsəɣ, jiːw sup palt xuːtsəɣ, numəl saːɣrapəl totəɣpasaɣe, sipluwaneːn supəɣ ta saːɣrapasaɣe. ja ti, put taɣmatas, nʲaːwraməɣ nʲoːwlʲit naːluw peːtapasane, paːjtləɣtasane, xuːrm aːni xuːnləɣtas. akʷ aːni mulɣalʲ uːnttəste, akʷ aːni aːwi xaːpn uːnttəste, xuːrmit aːni aːkʷe jine lʲoːx suːntn uːnttəste. takʷi isum xuːlʲmət tiːwərt luːjmas suːlətas, awi eːlipaːlt lʲuːlʲum janiɣ naːŋkən noːx xaːŋxəs. akʷmateːrtn xosa oːləs, waːtʲi oːləs aːkʷeːkʷ ta jineːte sujti. juw. nʲoːwlʲ aːni palt joːxtəs, nʲoːwlʲ loːmt aːlmajas, ta toːwti, laːwi: – xasʲ-xasʲ-xasʲ, amtʲi luwm, nʲoːwlʲum atəl pasi. xasap saːjəŋ paːlt xottʲutəɣ sʲarktaxtəneːteːn sujti. aːkʷeːkʷ laːwi: tot at sʲarktaxteːɣiːn, am neːnan tax! manrəɣ am totəɣlam uːjtʲem alsliːn?! tuw aːŋkʷatas, nasatʲi, maːtaːprisʲiɣ! leːɣeːnl akʷan neːɣimaɣ, tʲittəɣ xarteːɣ, timos ti sʲarktaxteːɣ. tiɣlʲe joːŋxəs, sunsi: nʲaːwramaɣ akʷaɣ neːmxoːt aːtʲiməɣ. jujioːwəlt taːra pattəste, nasatʲi, takʷi nʲaːwramaɣe alimaɣ. anʲ totiɣlam uːje, eːkʷa piɣrisʲ xottalʲ taxam, aːtʲim. lʲuːsʲ eːl taːrmatas, laːwi: – ti xotalʲ miːnas, nʲaːwramatʲeːɣm xottalʲ ta totmaɣe! eːkʷa piɣrisʲ kon roːŋxuwlas, laːwi: – aːkʷmeːkʷuːw, am titti uːnleːɣum! anʲ eːkʷa kon kʷaːləs, toːrumn teːlum, maːn teːlum janiɣ naːŋk lʲalʲt noːŋxalʲ sunsi: naːŋk talʲixt eːkʷa piɣrisʲ uːnlineːt naːŋtʲi. naŋ sar tot at uːnleːɣn, naŋn jol saːɣrilm, jol patnen porat maː alaɣ tax nas nʲaːksʲataːleːɣn. ja ti, saːɣrap wis, ta saːɣri, ta saːɣri. xosa saːɣrəs, waːtʲi saːɣrəs, waːɣtaːl patəs, akʷmateːrtn lʲox pattanəl soːwərrisʲ neːɣlapas. soːwrukʷe laːwi: – aːkʷmeːkʷ, waːɣtaːl patumrisʲn, jol xujəɣpaːlen. naŋ xuji, am saːɣreːɣm. ja ti, anʲ waːɣtaːl patum eːkʷa jol ta xujəɣpas. soːwərrisʲ saːɣrap aːlmajaste, aːxwtas alaɣ lʲaŋkʷijəɣ saːɣrlataste. ja ti, moːt saːɣrap wis, osta saːɣri. saːɣrəs saːɣrəs, waːɣtaːl patəs, naːŋtʲe sʲar at xasʲxati. xosa saːɣrəs, waːtʲi saːɣrəs, akʷmateːrtn lʲox pattaːnəl oxsarrisʲ neːɣləs, laːwi: – akʷmeːkʷ, waːɣtaːl patumrisʲn, jol xujəɣpaːlen. naŋ xujneːn sis, am saːɣreːɣum. ja ti, anʲ eːkʷa osti jol xujəɣpas. raw xujneteː sis saːɣrape aːlmajawes oxsarrisʲn, aːxwtas alaɣ osta lʲaːŋkʷijəɣ saːɣrlatwes. oxsare saːɣrape wosʲkasas, sisi ta xaːjtəs. anʲ eːkʷa noːx uːntəs, saːɣrape sunsiɣlite: oːs lʲaŋkʷlijəɣ saːɣrlatima, jiwe akʷta xolʲt lʲuːlʲi, atəŋ nowəɣliːma. ta lʲaːwti: – tʲeːr xomləɣn saːɣrapateːɣm lʲaːŋkʷijəɣ ta saːɣruweːsəɣ! moːt saːɣrap wis, osta lʲuːlʲis, taː saːɣri. ta kos saːɣrəs, ta kos saːɣrəs, jiːwe at xasʲxati. akʷmateːrtn lʲox pattanəl tuːlmax oːjka neːɣləs. tiɣ ta lakʷanti. tiɣ joxtəs, laːwi: – aːkʷmeːkʷ, maːnər waːreːɣn? – maːnər waːreːɣm? naːŋk jol saːɣreːɣm! – manrəɣ saːɣriln? – numn eːkʷa piɣrisʲ uːnli. am nʲaːwramaɣm taw puːtn peːnsaɣe, am tawe joːl patteːɣm! tuːlmax oːjka laːwi: – aːkʷmeːkʷ, tawe jol pattuŋkʷ naŋən xoːt lʲuːlʲi. jol xujiɣpaːlen, naŋ xujneːn sis am naːŋk jol saːɣrilum, naːŋk jol pati, am naŋən noːx kʷaːltapilum. ja ti, anʲ eːkʷarisʲ osta jol xujiɣpas. xosa xujas, waːtʲi xujas, noːx saːjkalas, nasatʲi tuːlmaxn xuːrmit saːɣrape oːs lʲaŋkʷijiɣ saːɣrlatəm, taw poːxeːn wosʲkasəm, takʷi xottalʲ taxam, aːtʲim. ja ti, tit ta lʲaːwti, ta murti. eːkʷa piɣrisʲ jolalʲ lʲalʲt laːwi: – aːkʷmeːkʷ, soːlʲ waːntaːl ta patumrisʲn. suːpn paːləɣ xarteːln, naŋ suːpən tʲiːwərn amtʲi porəɣmeːɣm. ja ti, anʲ eːkʷarisʲ ta sʲaːɣtəs, nomsi: anʲ eːkʷa piɣrisʲ taw suːpe tʲiːwərn soːlʲ ti porəɣmi, paːləɣ ta xartəstʲe. eːkʷa piɣrisʲ jisum xuːlʲum jolalʲ taːrtalaŋkʷ ta patəs, tʲeːr paːjpəŋ eːkʷa suːp tʲiːwre jisum xuːlʲumn patəɣlaŋkʷe patwes, laːwi: – apiɣrisʲ, manər man isum utan jolalʲ sulʲɣalteːɣn? eːkʷa piɣrisʲ laːwi: – maːnər isum utanum jolalʲ sulʲɣalteːɣum. ti naːŋk suːlt, naːŋk saːmt jolalʲ sulʲɣeːɣt. naŋ suːpn janɣəɣnuw xarteːln, atʲiŋk tax am at laːpeːɣm. ja ti, usʲpilneːɣ suːpe janɣəɣ ta xartite. eːkʷa piɣrisʲ poːstxatas, isum luːjmase, naːjt suːlətam luːjmaseːt aːkʷe ta tarmataste. ja ti, maː alaɣ ta taŋərmatwes, luːjmaseːn maːn ta tuːsʲtiɣpawes, suːpaseːt sʲaltapaːwes. man lili wassəɣ oːnʲsʲi. eːkʷa piɣrisʲ laːsʲlakʷ jol waːɣləs, tiɣlʲe-tuwlʲe sunsəɣlaxtas, sisi, juw ta xaːjtəs. aːkʷe palt joxtəɣpas, anʲ ta sʲuneːɣ, anʲ ta xuːleːɣ. |