| Original Title | Dialect | Informant | Genre Form | Genre Content | ID | glossed | Audio |
|---|---|---|---|---|---|---|---|
| mir-susne-xum Toːrəm-piɣ numəl taːratim eːrɣe | northern mansi (NM) | Sontʲin, Kavrila Petoːrisʲ | mixed (mix) | Mythological Texts (myt) | 1123 | – | – |
| Text Source | Editor | Collector |
|---|---|---|
| Munkácsi, Bernát (1910-1921.): "Vogul népköltési gyűjtemény. II. kötet. Első rész. Istenek hősi énekei, regéi és idéző igéi". Budapest: Magyar Tudományos Akadémia, pp. 100-104. | Munkácsi, Bernát | Munkácsi, Bernát (MU) |
| English Translation | German Translation | Russian Translation | Hungarian Translation |
|---|---|---|---|
| "Song About the Lowering of the Heavenly Son, the World-Watching Man to the Earth" | – | – | "A Világügyelő-férfi, az Eg-fia felülről való lebocsátásának éneke" |
| by Munkácsi, Bernát |
| Citation |
|---|
| Munkácsi, Bernát: OUDB Northern Mansi Corpus. Text ID 1123. Ed. by Janda, Gwen Eva. http://www.oudb.gwi.uni-muenchen.de/?cit=1123 (Accessed on 2024-11-22) |
| mir-susne-xum Toːrəm-piɣ numəl taːratim eːrɣe |
| Numi-Toːrəm eːkʷatetəl lʲawtuŋkʷe patsiɣ. Numi-Toːrəm neːte saɣrəpaŋkʷe sirej aːlmejis. noːŋx kʷoss totite: Poləm-toːrəm janiɣ piɣen sireje jola puːwwəs. Numi-Toːrəm kantmejawe, neːte joli maːn saːtəste. neːte joli maːn ti waɣləs, sam sajt oːlne sorniŋ kaːtəp, sorniŋ laɣləp nʲawrəme samne patəs. xosa janməltəste, waːtʲi janməltəste, | kʷon xajtiɣtənə janitiɣ ti jeːmts. | akʷ-mat-eːrt tox xajtiɣtənet xaltə | pawl-kante anʲ-maliŋ aːpa uːnli, | sʲopər-oːln, kami-oːln aːpa uːnli. | nʲawrəm jonɣuŋkʷe tuː uːntəlmats, | Numi-Toːrəm aːsʲen noːŋx ti nʲirasawəs. | noːŋx joxtəs, aːpanəl xot kʷaːləs, | Numi-Toːrəm aːsʲe kʷolen juːw tuːlwəs. | eːte janməltite, xoːtəle janməltite. | ti xoːtəl oːsʲne taɣle xot ariɣti, | xolit xoːtəl kʷaːlim mot taɣəl masi, | eːriɣ-xum, moːjt-xum ta keːməl ta janiɣmi. | akʷ-mat-eːrt Numi-Toːrəm aːsʲe-nuːpəl laːwi: | “aːsʲe! joli maː xumiŋ toːrəmnə | aːnəm taːrateln!” | aːsʲe oːln sitpa sitiŋ aːpan uːnttəste, | joli maː xumiŋ toːrəmnə taːratəste. | Turuj-punpa-xum jaɣ-piɣe kʷol-alaten | nʲaŋra sʲaxl sujil ta patəs. | jaɣ-piːɣe kʷone kʷaːləpaːləs, juːw aːlmejeste, | eːte janmeltite, xoːtəle janməltite. | ox janiɣmənet xalte oːnʲɣen raːtiɣlawe, | tox janiɣmənet xalte jaɣ-piɣen raːtiɣlawe. | luwe ti luːti, nʲowlʲe ti nʲowəlʲtawe. | oːnʲɣen kitəntaɣ oːs raːtawe, | xuːrməntaɣ oːs jaɣ-piɣen raːtawe. | * iːtʲiɣməs, lʲuːnsʲime kʷonə kʷaːləs, | pawəl-kannə ti joːmentəs. | jaɣe waːrməltim oːln sitpa sitiŋ aːpa | tot ti uːnli, | oːln sitpa sitiŋ aːpan tuː uːntəlmatəs, | Numi-Toːrəm aːsʲen noːŋx ti nʲirasawəs. | noːŋx joxtəs, aːpanəl xot kʷaːləs, | Numi-Toːrəm aːsʲe kʷolan juːw tuːlwəs, | eːte janməltawe, xoːtəle janməltawe, | ti xoːtəl oːsʲne taɣle xot ariɣti. | xolit oːsʲne taɣle xot ariɣti. | xum janitiɣ iŋət jeːmtəs, | joli maːn ti worati. | eːte worati, xoːtəle worati: | Numi-Toːrəm aːsʲen at taːratawe. | luwe iŋ waɣtal, nʲowlʲe iŋ waɣtal, | Numi-Toːrəm jaɣen ti jaːrtawe. | * xosa janiɣməs, waːtʲi janiɣməs, | luwe luːtəs, nʲowlʲe nʲowəlʲtawəs. | Numi-Toːrəm aːsʲe-nuːpəl akʷ-mat-eːrt laːwi: | ”aːsʲe! joli maː xumiŋ toːrəmnə | aːnəm taːrateln!” | sʲoper-oːln, kami-oːln aːpan ti uːnttawəs, | Numi-Toːrəm aːsʲen jolal ti taːratawəs. | kit toːrəm, kit kʷorəs-xalen tuː puːwwəs. | Numi-Toːrəm aːsʲe ali woːte-ke waːri: | oːln sitpa sitiŋ aːpatet | lui sʲaːrisʲnə aːlmawe, | Numi-Toːrəm jaɣe lui woːte-ke waːri: | oːln sitpa sitiŋ aːpatet | ali sʲaːrisʲnə aːlmawe. | Numi-Toːrəm aːsʲe rakʷ-keː rakʷi: | nʲowlʲe rakʷ-reːɣil sasti, | Numi-Toːrəm jaɣe woːt-ke woːti: | luwe woːt-reːɣil luːti. | tuːwe saːt woːtwəs, taːle saːt woːtwəs, | joːrən ta uːntwəs. | Numi-Toːrəm jaɣen tuːl uːltta ta taːratawəs. | Turuj-punpa-xum jaɣ-piːɣe kʷol-alaten | nʲaŋra sʲaxl sujil ta pats. | xuːrəm saːmp saːmiŋ sʲumpəl | xuːrmiɣ sʲaːmpəltəste, | nʲila saːmp saːmiŋ sʲumpəl | nʲilaɣ sʲaːmpəltəste, | jaɣ-piɣe oːnʲɣe sas aləsaɣe. | |