| xuːrəm oːtər oːleɣt. tox oːlneːlən xalt xuːrəm oːtər joxtəst |
xuːrəm oːtər oːleɣt. tox oːlneːlən xalt xuːrəm oːtər joxtəst. joxtəst tiɣ taːn paːltanəl. “maːɣi”, laːwi, “man urəl pasʲa waːrew?” ilʲpi joxtəm maːxəm laːweɣt: “maːŋki”, laːwi, “xaluwt ta sʲirəl pasʲa waːrew, am ti line meːtʲsʲikəm naːn paːltən.” tuwl ti liste. seːməlwitup teːpəŋtaɣtup xuːləŋtaɣtup xuːrəm oːtər lʲuːlʲeɣt. meːtʲsʲik ta keːməl juw, saməŋ xumən at waːwe, najsultəm xojtəl juw. anʲ meːtʲsʲik tuw mana kem tuw joxtuŋk waːtʲims, ta kem laːsʲamləs; taːn laɣlnʲolanəln joxtəs, xotpojtəs.
taːn laːweɣt: “maːteː ke xosa maː, witeː ke xosa maː, ti kem taːra manariɣ jisən? anʲ oːs“, laːwi, “maːn pasʲalaxtew.” taːn wisət saːt pot meːtʲsʲik. tajanəl kaːtən wist. ta xuːrəm oːtər xotalʲ nomtanəl pats, tuwlʲe ojast.
taːn eːl oːlmiɣtast, eːl xuːlmiɣtast. tox oːlneːnəl tox xuːlneːnəl xalt maːxar oːtər laːwi: “maːn sar tuw jalew seːməlwitup teːpən taɣtən, xuːləŋ taɣtən xuːrəm oːtər paːlt, neːmatatrən aluŋkʷ at weːrmawet, neːmatarən puruŋkʷ at weːrmawet.” taːn i minast saːt xum tuw. keːrtoxtup toxtəŋ xaːpəl, keːrmaɣrup maɣrəŋ xaːpəl minast. joxtəst tuw. puːxtəst paɣ. xuːrəm oːtər kʷaːlsət kon. taːn onʲsʲeɣt saːt porɣən aːxʷtaskis, lʲuːlʲitanəl xuːrəm peːsʲatəŋ tal lʲuːlʲitət. ”ja, maːxar oːtər, porɣen, maːn owl pasʲaw taː!”
maːxar oːtər noːŋx poriɣməs. aːxʷtaskis tarm pats, supiɣtoːlmats. tuwl moːtant lawweːst. akʷ xum poriɣməs, kitit xum kos poriɣməs, noːŋx at joxtəs. xuːrmit xum xum lʲuːlʲitən at lapsəs, akʷ tuː pats. tiɣlneːl oːlnutət neːmxottalʲ minuŋkʷ at weːrmeɣt, laɣlanəl jolaxanast. taːn xuːrəm oːtər anʲ saːt aːxʷtaskis owleːnəl owltasanəl, ojiɣpaneɣ porɣəsanəl. tuwl laːweɣt: “maːteː ke xosa ma, witeː ke xosa ma maːxar oːtər, joːrən joxttaːl manariɣ jisən tiɣ?” taːn minast juw.
xalanəlt laːweɣt, potərteɣt: “maːn toːrəmn lawwesuw neːm xotti xumn at aluŋkʷe.” xuːrəm xum minast xurəm saːmən. akʷ xumiteːn teːpəŋ luːsəmn, xuːləŋ lusəmn minas. neː rowtaːl maːn uːntəs tuw, jalpəŋ maːn. tuwl numitoːrəm aːseːn pojksʲi, laːwi: “saːt juːswuj lʲuːlʲit toːrəm aːsʲəm, xoːt juːswuj lʲuːlʲit toːrəm aːsʲəm! am ti uːntəm maːm neː rowtaːl xum rowtaːl jalpəŋ maː tit oːli! ti eːkʷajiwəŋ ojkajiwəŋ janiɣ urəm jiːwe neːn ul wos sakʷatawe, xumən ul wos sakʷatawe! neː rowtaːl jalpəŋ maː xum rowtaːl jalpəŋ maːmən uːnleɣm; neːn wos pilawem, xumən wos pilawem! am ti uːnlən woːrəmt seːməl uj wiɣr uj aluŋk jine xumim seːməl uj taɣləŋ eːntapəl eːntaptiləm, wiɣr uj taɣləŋ eːntapəl eːntaptiləm. saːtnakpa nakəŋ eːlʲal uːnleɣm, xoːtnakpa nakəŋ eːlʲal uːnleɣm. aːnəmn susne aːɣimn taɣləl wos mastawem, aːssinəl wos neːɣawem! aːnəmn susne piɣəmn seːməl uil wiɣr uil wos neːɣawəm! mat rusʲ nakna ke taɣapi, rusʲ nomt joːŋxteɣm, mat manʲsʲi nakna ke taɣapi, manʲsʲi nomt joːŋxteɣm.” |
