| Originaltitel | Dialekt | Informant | Genre Form | Genre Inhalt | ID | glossiert | Audio |
|---|---|---|---|---|---|---|---|
| woːrjatalʲax oːtərpiɣt xuːrəm xum oːleɣt. akʷ jeɣaːɣi oːnʲsʲ | northern mansi (NM) | Ukladov, Vasilij Aleksejevitš | prose (pro) | War Songs - Heroic Songs (her) | 1148 | – | – |
| Textquelle | Herausgeber | Sammler |
|---|---|---|
| Kannisto, Artturi / Liimola, Matti. 1951. Wogulische Volksdichtung II, pp. 162-171 | Liimola, Matti | Kannisto & Liimola (KL) |
| Englische Übersetzung | Deutsche Übersetzung | Russische Übersetzung | Ungarische Übersetzung |
|---|---|---|---|
| "The Sons of the Prince of the Source Region of the Forest River." | "Die Fürstensöhne der Quellgegend des Waldflusses." | – | – |
| by Kannisto, Artturi |
| Zitation |
|---|
| Kannisto & Liimola: OUDB Northern Mansi Corpus. Text ID 1148. Ed. by Janda, Gwen Eva. http://www.oudb.gwi.uni-muenchen.de/?cit=1148 (Accessed on 2024-11-22) |
| woːrjatalʲax oːtərpiɣt xuːrəm xum oːleɣt. akʷ jeɣaːɣi oːnʲsʲ |
| woːrjatalʲax oːtərpiɣt xuːrəm xum oːleɣt. akʷ jeɣaːɣi oːnʲsʲeɣt. jeɣpɣen laːwi: “neː minam neːŋ sam kinsuŋk jaleːw, neːtaːl man urəl oːleːw!” teːn laːweɣ: “iŋ laːɣlmeːn sʲoːmtaːl, iŋ kaːtmeːn sʲoːmtaːl, manər joːrl jaleɣn, manər waːɣl jaleɣn?” oːs jeɣpɣen laːwi: “maːɣi mineːw!” kasʲaɣe (oraːpsʲəjaɣe) laːweɣ: “tox mos worateɣn, jaleːw.” saːt naːŋk oːltməŋ por ti waːrsət, xotalʲ oːlne seːməl ui wiɣr ui pormasanəl porn ta taːltəweːsət. ta taːlsət, ta xiwleɣt. xosa naːtweːsət, waːtʲi naːtweːsət, taɣtən ti patsət. taɣtən patsət, alɣalʲ sunseɣt: oːs por ta neɣləs. lʲapa joxtəs, uːrsanl: nʲoːroika joxtəs, pasʲalaxtasət, kit por akʷan neɣwesaɣ. nʲoːroika laːwi: “naːn xotalʲ minjən?” woːrjatalʲax oːtərpiɣt laːweɣt: “maːn jalpəŋ aːs meːsiɣn mineːw.” nʲoroika laːwi: “exeːj, nʲaːwramt! lʲuːlʲ maːn minjən, poːxaturt laːwəltawt; xaːpəŋ xum at ojiɣpaːls i sunəŋ xum at ojiɣpaːls.” akʷan neɣxatsət ta naːtantawt. jeːkʷneː xum jeːkʷi, saːŋkʷəltane xum saːŋkʷəlti, neːrneː xum neːri. xosa naːtləsət, waːtʲi naːtləsət, taːɣkotʲəlʲ ojka paːlt ti joxtəsət. taːɣtkotʲəlʲ ojka keːraːrpi oːnsʲi, kit ajiŋxumpiɣ oːnsʲi, kaːrwəlʲteːɣ, xoːnt joxti, laweɣ. teːn sunseːɣ: por naːtawe jaː paːŋkʷitəl. tuwl teːn paxaːitsaɣ. taːɣtkotʲəlʲ ojka kuːsʲajen xuji. ”kʷaːlən nox!” laweɣ. ”xoːnt ti jineːt naːŋki, saka janiɣ por naːtawe, keːraːrpəjuw aːxʷtasaːrpəjuw sʲar (ti) sakʷataneːt xurip.” taːɣtkotʲəlʲ ojka laːwi: “kona mineːn, am keːraːrpim, aːxʷtasaːrpim notəŋ xum not palitəl at ta sakʷataːlwəs, anʲ xuːnʲ sakʷatawe?!” teːn kon keːtwesaɣ, naːl aːrpiteːn minasaɣ. teːn naːljoxtketen anʲ por tiɣ joxtəs, aːrpin ta xoːjas, aːrpi ta sakʷataws. aːrpi luipaːln patsət, akʷ tox jeːkʷneː xum jeːkʷi, saːŋkʷəltane xum (or saːŋkʷəltan xum) saːŋkʷəlti, neːrneː xum neːri, jonɣəneː xum jonɣi. nʲorojka laːwi: “paːxoːjiɣlaŋkʷ eːrs, aːrpite sakʷatassuw, eːrəŋ nomte lʲuːlʲ. xotjuteːn kuːpnʲit, wos jali, wos laːwi: ‘wos aːrpite lap ul wos waːrite; xumlʲe sakʷatasləm, ta sʲirəl wos oːli. eːləmxoːlas jisəŋ toːrmiɣ jemti, eːləmxoːlas notəŋ toːrmiɣ jemti, manurəl jalasi?! naːlməl jalasaŋkʷ pisʲe aːtʲim, puːil xartuŋk joːr at joxti.’”woːrjatalʲax oːtərpiɣiɣ maːnʲ xumjanl (or maːnʲ xumiteːn) minas, ti laːtɣət potərtəs, ta minas maːxmane paːlt. maːxmane paːlt joxtəs, oːs ta mineɣt, xiwleɣt, naːtawt. tuwl poːriposaln joxtəsət. nʲoːrojka posal xosit minas, xuːl alsʲlaŋkʷ mini; moːtant oːs taːɣt xosit xiwleɣt. xosa minasət, waːtʲi minasət, aːsən ti joxtəsət. aːsən joxtəsət, jeɣpɣeːn laːwi: “neːn jun oːlkeːn jiŋkʷ at taŋxən; anʲ ti joxtsaw. man wojpi wojkanwitup teːpəŋ aːs wojkanwitup xuːləŋ aːs, maː xuripaw xumitna jalasaŋkʷ puːmasʲaɣ oːli, kaːssiɣ oːli!” oːs ta naːtantawt, xosa minasət, waːtʲi minasət, jalpəŋ aːs meːsiɣn neɣləst: naːŋki uːs. taːn xoːntleɣt. tot saːt oːtər potərtaneːnl sujti: “oːs maːn nʲaːltalʲaxpuːluw, maːn jowttalʲaxpuːluw ta jineːnl naːŋki.” anʲ jeɣpɣeːn laːwi: “taw waɣte, xotjutaw noxpati?” lʲapa ti joxtəsət, naːtweːsət uːsoːwəlna. anʲ ta saːt oːtər sujteɣt: “sunəŋ xum at pasapaːls, xaːpəŋ xum at ojiɣpaːls.” taːn jeɣaːɣjanl kaːlʲnʲoxs xuril tiɣlʲe suːlinti, tuwlʲe suːlinti por tarm. uːs taːltna joxtəsət, taːnanl aluŋk ja: paːŋkʷitəl witkulʲt nokxulʲiɣlasət. anʲ woːrjatalʲax oːtərpiɣiɣ jeɣpɣeːn keːrsort xuril witən sʲaltəs. akʷ paːleːnl loːŋxalʲ minas, akʷ paːleːnl alɣalʲ jis, anʲ witkulʲt alweːsət maːranl solʲataːləs. nokxulʲiɣls, oːs keːrtaːxt xuril wit ost alɣalʲ loːptaːnti, poreːn mini. poreːn taːls, poːxtaŋkʷ ti jemtsət. oːs saːt oːtər potərtaneːnl sujti: “naŋ sar loːptən, naŋ marknakaɣn akʷ ti tit sakʷatijeɣaw!” paː ti poːxtasət, aːpsʲjaɣe laweɣ: “jowtanaw, nʲalanaw jotwiɣanaw, eːrəŋ alaweːw!” pakʷaːlsət, saːt oːtər pusən lʲulʲeɣt maːɣltaːrs. pasʲalaxtast. saːt oːtər laːweɣt: “man aːlmanutn(a) aːlmuweːsən, man totnutna totwesanən?” xuːrəm xum laːweɣt: “noxjaniɣman eːləmxoːlas manər maːn at joxti?!” peːs koln juwsʲaltsət. matəm eːkʷaɣ ojkaɣ teːŋkketeːn koleːnt oːleɣ. janiɣ eːkʷaɣ ojkaɣ laːweɣ: “manər maːɣs uːntəm saːt pis naːŋkjiw kotlən? muːixotpa joxti, tuw totilanən!” peːs kolnəl konakʷaːlsət oːs ilʲpilʲ kolna ta minasət. naːŋkkoln mineɣt. akʷ aːɣi laːwi: “woːrjatalʲax oːtərpiɣiɣ maːnʲ xumjanl! am maːɣseləm kos jisən, totne kolənt ta alawən.” taw laːwi jeɣpiɣe nuːpəl: “totne koluwt eːrtəm ti alaweːw.” jeɣpiɣe laːwi: “astaːl oːlən, xoːntamlaweːw!” jeɣaːɣjanl ta porta ta oːli. juwsʲaltsət saːt pis naːŋkjiw kolna. sʲoːrnⁱŋ tep maːɣəŋ tep pasan waːrwəs. ta teːɣt, ajeɣt. paːŋx tuw uːntuws, akʷ laːɣlup saːt paːŋx. woːrjatalʲax oːtərpiɣiɣ jeɣpɣen joralaxtim joːmiɣti tiɣlʲe tuwlʲe kolkant. tox joːmiɣtimeːt(e) akʷ paːrt supiɣsakʷals. taw laːwi: “konite saːt pis naːŋkjiw ta xoːntiɣlamən uːntuŋkʷ, aːswaːta xaspiɣt kolkanpaːrtiɣ xotnortsan, joːmiɣtan taːr at oːnʲsʲeɣt!” akʷlaːɣlup saːt paːŋx juwteːste, laːwi: “taːn moːtəntiɣ tax ti laːweɣt: ‘naməŋ sujəŋ maːnəl joxtaləm xum oːtər akʷlaːɣlup saːt paːŋx juteːnkʷ at weːrməs.’” juw ta teːste. koləŋ maːm laːweɣt: “naːn uːnleːn, maːn teːnut totuŋk jaleːw, oːs teːnut toteːw.” taːn ta minasət; aw xumianl kolt tit juw xulʲtiɣpəs, at aːlims kona minuŋkʷ. kolanl alʲal peːlamtaws, kolanl kiːwərt ulʲan wos sʲarjawt. akʷ muːs janiteːtəl kol lappeːlamlaws (or lappeːlamtaws). juːntpəŋtaːɣləl oːleɣt. maːnʲ xumjaɣe jeɣpɣeːn nuːpəl laːweɣ: “meːn juːntpanameːn ti tolaltasət.” jeɣpɣeːn laːwi: “taw, taw, xumuːs toleɣt?” mosʲsʲa uːnləsət, laːweɣ: “meːn juːntpanameːn (or juːntpananmeːn) ti sʲurɣuŋk patsət.” jeɣpɣeːn aːpsʲəjaɣe kitpal muːs sʲeːpna maːɣsaɣe; taw juːntpe at toli. anʲ ti saːt oːtər akʷ xumjanl pukite pokmatas. at waːɣanl taːŋki xumjanl juw xulʲtme. jaː ta laːweɣt: “kitiɣ armətəs, akʷa ti pukite pokmatəs.” kolala ulʲan taːiwəs, jola ti patəs. ulʲa jolpatəs, taw kone joːmantəs. kon joːms, kol muwl keːralʲjiːwl lapxartime. keːralʲjiːwt numpaːlt (or numpaːln) nʲaːltalʲxət neːɣlumt. taw noməlmatas: “am moitəm k eːla mini, am potrəm k eːla mini, jowtanl xumlʲe xartsanl, tuw wos kaːrteɣt!” oːs taw laːwi: “torɣeːn xarteːn, torɣeːn xarteːn! maːn witxul aliɣlakeːw, woːrui aliɣlakeːw, ti kem xuːnʲ xartjanuw!” taw konkʷaːləs pəl, aːpsʲjaɣe sʲeːpnəl xotleɣmatsaɣe, joltaːrmatsaɣe. xumiɣ joːmeɣ. anʲ jeɣpɣen laːwi: “am moitəm k eːla mini, am potrəm k eːla mini, sipsʲaskan(l) xosuwlane muːs keːralʲjiːw supiɣ wos toːlmati, aːnəm minnelʲoːŋx wos teːli!” xosuwlaste, supiɣtoːlmatas, poreːn naːluw joːms. tuwl jowtanl nʲalanl atliɣtasət. laːwi: “torɣeːn xarteːn jowtan! am nasilʲe jowtanəm nʲaːlanəm paːlt joxtəsəm.” jowte xartəste, laːwi: “am moitəm k eːla mini, am potrəm k eːla mini, am ti line nʲaləmna tuːjaxul takʷsixul nurtna xoitəl pusən wos nurtawt!” taw laːwi: “numiposjaɣuwna am xoːntlaxtuŋkʷ at taːrataweːsəm. naːn lʲuːlʲ pisʲ oːsʲnen xalənt alsʲlaxtəneːn, xoːntlaxtəneːn.” taw nʲale ta liste: “man saːwit mir oːls, pusən ta alweːsət akʷ nʲaːlna. oːs konəl muwltaste: “akʷa oːjam. tuwl jujəl nʲawlite. nʲaːwləste, sunsite, eːlən xaːitneːt naːŋki. taw nʲaːləl liste, tuw ta raɣatəs. tuw joxtəs, kitiɣlite, laːwi: “manriɣ ti waːrmalʲ waːrsanən, maːnawn aluŋk kussanən?” taw laːwi: “aːnəm taːrateːlən, ul aleːlən!” taw laːwi: “aːtʲ, at taːratiləm.” at taːrataste, sirail kotʲlʲeːnelʲ supiɣsaɣrapaste, witən sʲeltamtaste. juw ta minas aːpsʲiɣaɣe paːlt. aːpsʲəjaɣe porent oːleɣ. porn joxtəs, laːwi: “juwlʲe mineːw!” anʲ saːt poːxatur jeɣaːɣit xuːrəm neː pusən wojweːsət. taːlsət, oːs alɣalʲ ta mineɣt. alɣalʲ mineɣt, poːriposal suːntna joxtəsət. nʲoːroikanl joxtəs. oːs ta akʷ jot mineɣt, jonɣim ta mineɣt. xosa minasət, waːtʲi minasət, woːrja suːntna joxtəst. woːrja oːtərpiɣt woːrjaːnəl xosit minasət, nʲoːroika taɣte xosit minas. juw minasət. anʲ ta oːleɣt, anʲ ta sʲunʲeɣt. |