jipiɣ tuːliɣləp.
soːwər juwsʲaltapi, uːsʲaxaɣ sʲowalaɣ xalna joluːntəlmati. mosʲ aːtʲi, jipiɣ juw ti powari, kuwsʲil masxatam, laːɣlaɣe saːlisowl peːrmaɣe, sʲopərtowliɣ, ti aːtʲi xotaŋtowliɣ kaːtta oːnʲsʲjaɣe. juwsʲalti, eːkʷat oːlne paːlna tuw noxuːnti siŋsjiw tarm.
soːwər suːltiɣtaŋkʷ pati, jipiɣ sunsiɣlaxtuŋk pati. xosa sipluwl sunsiɣlaxti, kaːsalite, tuwl ta poriɣmite, ta puwite, tuwl puŋke xotjaktite, eːrtəm juwtaːjapite. tuwl akʷ tuw eːkʷat paːlən tuw uːnti, nʲaːltiɣlaxtuŋk pati, suːpeːtəl pursmapti, ta porat eːkʷatən tuːit ta sʲeːltamti. peːsʲpoːxan tuːit sʲoːpitaneːte, tuːit aːlmaji, tuːit konsiɣti, eːkʷat paːlt ta seːltamtite, eːrtəm waːnʲkuwli.
tuːitane xoleɣt, usʲ ta poiti. jolporiɣmi kolkanna, maːxəm usʲ ta pilataːluŋk patjane. saːroːwəlt eːlmxoːlas paːlt xuːtuwji, laːsʲalakʷ lilaji, tuwl kitəntaɣ saka sujəŋsʲ lilaji. pupakʷ nuːpəl oːs akʷ tox lilaji, saːroːwəlt laːsʲalakʷ lilaji kitəntaɣ saka lilaji. noxporiɣmi, toːrane towlaɣeːtəl xotkutralapijane. soːwre jot kona ta mini. waːssiɣ toːrane tuw at pinawt, noxtaɣatawt.
maːxəm laːweɣt: “jaɣikeːw (or aːpsʲikeːw) isexore ta raɣltaweːst.” |
