NM 779 - masmaseːkʷa piɣ porsanʲateːt oxsar xanʲsʲuwls. […]

Text + Metadata Translation

Original Title	Dialect	Informant	Genre Form	Genre Content	ID	glossed	Audio
masmaseːkʷa piɣ porsanʲateːt oxsar xanʲsʲuwls. […]	northern mansi (NM)	Vingalev, Savelij / Pakin, Semeon	prose (pro)	Tales (tal)	779	–	–

Text Source	Editor	Collector
Kannisto, Artturi / Liimola, Matti. 1956. Wogulische Volksdichtung III, pp. 20-35	Liimola, Matti	Kannisto & Liimola (KL)

English Translation	German Translation	Russian Translation	Hungarian Translation
"The Masmas-Old-Man’s Son"	"Sohn des Masmas-Alten"	–	–
	by Kannisto, Artturi

Citation
Kannisto & Liimola: OUDB Northern Mansi Corpus. Text ID 779. Ed. by Janda, Gwen Eva. http://www.oudb.gwi.uni-muenchen.de/?cit=779 (Accessed on 2024-11-25)

masmaseːkʷa piɣ porsanʲateːt oxsar xanʲsʲuwls. […]

masmaseːkʷa piɣ porsanʲateːt oxsar xanʲsʲuwls. aːkʷe nupəl laːwi: “oxsar xanʲsʲuwlam”, laːwi. ”jowtəl uːntiləm.” ”os xum, uːntilən ke, uːnteːlən, eːrəŋ lʲikmi”, laːwi. tuwl ta uːntəste. xoːtal uːntəste, tuwl eːtʲiməs, tuwl ta xujasiɣ. xolit kʷaːls postiɣləs, posəŋiɣ jeːmtəs, kon ta kʷaːls jaː ta sunsi, matər ti naːŋki. noːŋx aːlmajaste, tox sunsiɣlite. anʲmaləŋ aːmp. xanʲsʲəste: “uːsəŋ oːtər ojka piɣiɣ aːmp. ”soːrnʲikʷe!” juwsʲaltəs, aːtkʷe nupəl laːwi: uːsəŋ oːtər piɣiɣ aːmp! “mana peːta!” laːwi. ”waːrmalʲiɣ nʲoxsaːmp.” aːkʷe ta xoːlʲt tisti: “ti kismajawe.”

kona kʷaːls, matər ta saɣri. juw ti sʲaltəs. ”jaː aːkʷmeːkʷ!” laːwi, “aːxʷtaspuːt kiːwərn nʲoːwlʲ peːten!” ta peːts anʲ eːkʷa. ”aːkʷmeːkʷ”, laːwi, “naːin uːnteːlən, os paːjalti!” anʲ puːt naːin uːntawes ta paːjalts. kona ta kʷaːltapaste, anʲ kit norsup xaln uːntiɣpaste.taw juwsʲaltaps.

taw juw tuːp sʲaltaps, uːsəŋ oːtər ojk piɣiɣ joxtiɣpasiɣ. anʲ xumiɣ puːt lʲaːlʲt ti sunseɣ. ”teːxam”, laːwi, “ti puːt wiŋkʷeːri; wiɣləmeːn”, laːwi, “woːrt jalkemeːnt eːri”, laːwi. ”kit norsup tuːp eːri, ulʲa at eːri, tawki pajtaxti.” juw ti sʲaltsiɣ, pasʲa waːrssiɣ luːtsiɣ. ja ta potrameɣt. laːwi: “naŋ manər tamlʲe mutraŋ puːt onʲsʲeɣn?” laːwi. ”taw manurəl ulʲa at onʲsʲi pajtaxti?” taw laːwi: “taw sʲire tij, ulʲa at eːri.” aːkʷe nupəl laːwi: “puːtmeːn juw tuːleːlən, ul aːstəs, mujxumiɣ os teːɣiɣ!” anʲ eːkʷan juw ti tuːlwes. nʲowlʲət aːni kiːwərn xuːnweːst. nʲowlʲt takem aːstəmt, nʲoːwlʲ aːlmajeɣ, jol toːlmati. ”eː”, laːwi, ”masmaseːkʷa piɣ, manər jomas puːt onʲsʲeɣn!”

teːst, aːstəst. laːwi: “jaː ti puːtən meːnmeːn at tinalilən?” ”moːrts tine miɣn ke, tinaliləm.” jaː ta manər woːweɣn?” laːwi: “manər woːweɣm?! kit xum luwəl jisən, ti luwaːn majeːn! oːs nʲoxssaxijan, ujsaxijan majeːn! waːssiɣ wownut aːtʲi.” ”masmaseːkʷa piɣ, jomas, jomas! tin moːrts tij”, laːwi. ta wisteːn. akʷ xumiteːn ta aːlmawes anʲ puːt.

juw joxtsiɣ. akʷ xumite kon norsup saɣri, sʲpoːpiti. akʷ xumite jun nʲowlʲ jaktəli. anʲ puːtsow ti peːtwes taɣleːkʷa. witəl manər pinwes, kona ta kʷaːltawes. anʲ kit norsup xaln ta uːntawes. mat palit oːlsiɣ, tuwl akʷ xumite kona ta kʷaːlaps, laːwi: “puːtən weːk paːjaltəs.” juw sʲaltəs, laːwi: “iŋət paːjalti.” tuwl oːs oːlsiɣ,oːlsiɣ. moːt xumite oːs kʷaːls: anʲmaləŋ jomas osit jaːŋkən poːlʲima. ta osit jaːŋkən poːlʲima, jeːri pattawe, aːmpən ti powartaːlawe, wite kon at soːsxati. ”xolit minimeːn, tuw joxtimeːn, tawe sar sʲoːpitilmeːn, kole luːteːt sakʷatilmeːn.”

anʲ xumiɣ joxtəne eːlipaːlt moːl xoːtal majim luwiɣ akʷate alaste. luwtur jaktəste, akʷ owle seːtapəl lap taŋərtaste, keːlpəl soːsəste. keːlpəl soːsəste tuwl akʷ owle oːs lap neːɣəste. tuwl aːkʷeːkʷ paːlt turən neːɣəste. taw tuːp aːstəs, uːsəŋ oːtər ojka piɣiɣ ti joxtsiɣ.akʷ xumite laːwi: “aman alilameːn kole luːteːt sakʷatilmeːn?” akʷ xumite laːwi: “aːtʲim, tox at aːrtmi”, laːwi. ”moːtəntiɣ mir laːweɣt: ‘tuːlmaxəl alasteːn,’ jaːta”, laːwi, “juwsʲaltimeːn!”

juwsʲaltsiɣ, eːkʷapɣiɣ uːnli. pasʲa waːrssət. aːkʷeːkʷa xotəm lʲawti akʷaɣ: “puːtsow osʲsən puːtsown misən, manurəl oːlimeːn?” apɣe oːs taw pəl lʲaːwti. tuwl joluːntsiɣ. aːkʷe sakanuw lʲawti. tuwl eːkʷapiɣ noːŋx ta lʲuːlʲməts, anʲ mat kasajsupkeːt soːpaslim onʲsʲite. lʲuːlʲməts i kasaj aːlmais. aːkʷeːkʷ puŋk tox xoːni puwəmtaste, anʲ kasajeːt keːlpxuːriɣ ta jaktapaste. anʲ eːkʷa ta raɣats. taw mat sis ta uːnləs ta uːnləs,ta kʷaːlapəs, anʲ kasajsup ta aːlmajaste. kolkanən lʲuːlʲmats, anʲ kasajsup ti paːxʷtəŋkʷ patəste. anʲ kasajsup liɣte, soma tuːsʲtxati, laːwi: “liliŋ ker sʲoxri kyːsʲain eːri ke jaltəpteːləm! tuwl oːs liɣte, oːs soma tuːsʲtxati. tox paːxʷtəs paːxʷtəs; anʲ eːkʷa nʲowsəŋkʷ pats. akʷeːrt eːkwa noːŋx ti woːrtxats, soma uːntəs.

anʲ xumiɣ ti sunseɣ. anʲ eːkʷa som uːntəs, tit akʷaɣ keːlp. uːsəŋ oːtər ojka piɣiɣ laːweɣ: “kona kʷaːllimena sar!” kon ti kwaːlssiɣ. ”teːxam”, laːwi, “ti kasaj wiŋkʷ eːri”, laːwi. ”kos mat kem tin woːwi, wiɣləmeːn!” xaleːnt potərteɣ: “meːji moːlal jun oːlkemeːnt eːkʷaɣmeːn meːji nupəlmeːn mana moːrts lʲawteɣ! akʷ tox jaktapaːləŋkʷ eːreɣ tax toːnt piləŋk pateɣ, waːssiɣ at lʲawteɣ.”

juw ta sʲaltsiɣ. ”ja masmaseːkʷa piɣ! maːji akʷ mus rumaɣ oːleːw, naŋ anʲ ti kasajaken weːk tinalanuwlən meːnmeːn?” masmaseːkʷa piɣ laːwi: “am wownem soːmit tin ke minuwən, miɣləm”, laːwi. ”jaːta naŋ manər woːweɣn?” ”am manər woweɣm?! kit xum jim luwan oːs xuːlʲeːn! oːs nʲoxssaxijan, ujsaxijan majeːn! tine tij, waːssiɣ neːmatər at woːweɣm.” ja man! kit xum saxijaneːn sas aːŋkʷiɣtasəneːn; anʲ kasai teːnteːn majwes.

ta minasiɣ. minasiɣ, juw joxtsiɣ, ak ti suppis joxtəsiɣ. aːsʲeːnojka kantli. ”neːn ti masmaseːkʷ piɣən manriɣ nowxatijən? taw osʲmare saka saːw. maːji joːranuw at joxteɣt. maːji wonʲsʲaliɣ waːraweːw tax.” aːsʲa xotpojts. eːkʷaɣ lʲawtəŋkʷ patsiɣ: “neːn masmaseːkʷ piɣ paːlt jalijən, suppis joxtijən, oːs jalijən oːs suppis joxtijən. neːn man nomt onʲsʲjən?”

akʷ xumit kasajsup ta aːlmajaste. anʲ eːkʷa tox xoːnʲi ponʲəmtawes, tur ta jaktapawes. akʷ xumiteːn majapaste laːwi: “minən”, laːwi, “sʲoːpiteːlən!” anʲ ta xumiteːn aːlmajawes, anʲ eːkʷa tur oːs ta jaktapawes. anʲ kit eːkʷa sas ta raɣatassiɣ. tuwl aːsʲeːn oːs lʲawtasi, laːwi: “toːn ti laːweɣm, eːkʷapiɣ paːlt ul jaleːn, maːijuw wonʲsʲaliɣ waːrite tax.”

tuwl akʷ xumite kasajsup wiste, ta paːxʷtite, oːs liɣte, soma tuːsʲtxati, oːs liɣte, soma tuːsʲtxati. ti kos paːxʷti, ti kos laːwi: “ kyːsʲain eːri ke, jaltəpteːlən!”, manare jalti, at jalti. kaːte aɣmaltəs, tuwl ta liste tuwl oːs moːt xumiteːn miste, taw oːs tultxats. oːs akʷ tox ta kos paːxʷtəs, ta kos laːwi: “liliŋ keːr sʲoxri, kyːsʲain jaltəpteːlən!”, ja manər?! kaːte aɣmaltəs, oːs ta liste. ti mus lʲuːnʲsʲeɣ, ti mus paːxʷteɣ. tuwl eːkʷaɣ eːlʲalʲ ta pinəmtawesiɣ.

xolit oːs ta mineɣ. eːkʷapiɣ neːsaxi, neːtoːr pinəs, uːnli. xumiɣ ta joxtsiɣ, uːsəŋ oːtər ojk piɣiɣ. aləŋkʷe, koleːn sakʷataŋkʷe noməlmatsiɣ. kon ti lʲuːlʲeɣ. nomsaŋkʷ ti patsiɣ. akʷ xumit laːwi: jaː xum mus, sakʷatilmeːn aman alilameːn?" akʷ xumit laːwi: “teːxam, tuːlmaxəl at roːwi”, laːwi. ”lutʲsʲe juw sʲaltsimeːn. moːtəntiɣ mir laːweɣt: ‘tuːlmaxəl alasteːn.’”

ja juw ta sʲaltsiɣ. aːkʷeːkʷat uːnli. eːkʷapiɣ tawki aːtʲim. oːs ne uːnli. anʲ xumiɣ laːweɣ: “ janiɣ eːkʷa”, laːwi, “apɣən xotalʲ minas?” laːwi. ”woːrn minas, woːrajaŋkʷ, alsʲlaŋkʷ minas.” ”xotəl uːlt totam neːte?” laːwi: “jaɣaːɣite.” ”taw to jaɣaːɣit xoːt oːls?” ”jaɣaːɣit ruːtnane paːlt oːls, juw woːwste”, laːwi. tuwl anʲ xumiɣ kona kʷaːlsiɣ. laːwi: “meːji eːkʷataːl patsəmeːn. meːji anʲ os xajtalanuwameːn, janiɣ eːkʷ weːk nomte patnuw.”

akʷ xumite waːjeːt as onʲsʲi. ”ja”, laːwi, “aːkʷmeːkʷ, waːim as onʲsʲi, tuwjuːnteːlən!” ”taw am man os onʲsʲeɣəm, janiɣxoːtpa! laːwi. ”neːn ta maːnʲ neːn majlələn!” tuw ta lajwes. anʲ aːɣi paːl toːrəl laptaɣatim oːli. ta sʲeːltəmtaste. toːr tox noːŋxaːlmajawes, waːj tawojwes. mosʲsʲakʷeːn aːlmajaːlaste, akʷ ti sʲoːs naːlwalʲ ta sʲeːltəmtaste. kaːtən wiste, sunsiɣlite: juːntim maːte samt akʷ mus at naːŋki.

”ja janiɣ eːkʷa, naŋ ti aːɣin meːnmeːn weːt minuwlən, rownut waːreːw”, laːwi. ”taw mine ul kos miɣləm, jaɣpiɣe jun aːtʲim.” ta xajtalasiɣ, ta kapərtasiɣ. laːwi: “mine ul kos miɣləm, taw jaɣpiɣe mana xurip kantəŋ, taw oːs akʷ tamlʲe. lʲuːlʲsʲaŋ onʲsʲəŋkʷ patilən, tawe onʲsʲəŋkʷ at weːrmilən. ja mine ti miɣləm. am manər laːtəŋ laːweɣəm, ta laːtəŋ ul joruwleːlən, nomin onʲsʲalən!” sʲoːpitaŋkʷ ti patəste. akʷ mus sʲoːpitaste luːtəste. jomas saxil, jomas uːlaməl mastəste, manne xuripaɣ mastəste, sʲoːpitaste. ti laːws: “totəŋkʷe ti totilən, neːnki oːlne kolən ul tuːlələn! ulʲawittaːl uːnləne jaɣaːɣijən oːlne kolt tot os oːli!”

xos oːlsət man waːtʲi oːlsət. toːrəm tujjiɣ jeːmtəs, toːrəm reɣ waːrs. anʲ aːɣijiɣ puwləŋkʷ waɣləsiɣ. anʲ uːsəŋ oːtər ojk aːɣi jola sʲaltaps wit kiːwərn. noːŋxlʲuːlʲmats, samaɣe witən aːmarawesiɣ. witane tox sʲoːpits luːts: akʷ neːt aːtʲim! tumajti: “xotalʲ minas taw?” nomsi: “naːlu minas, sorəmn pats.” ti kismajawes. naːlmiwitət tolɣəl kinsawe, puːjiwoːrt luwəŋ xum jali, laɣləŋ xum jali, mir ta kos kinseɣt, at xoːntawe. xosa man waːtʲi kissət, kaːsanəl ti xolas. ossuwlasanəl.

anʲ tuwe minas. toːrəm asʲarmaɣ jeːmtəs, takʷsiɣ jeːmtəs tuit pats, jaːŋke poːlʲas. uːsəŋ oːtər ojka laːwi: “tiːwəs, masmaseːkʷ piɣən ti joxtaweːw. jaɣaːɣit sorəmn pats, maːji akʷ ta pisʲən, akʷ ta nakən oːs pattaweːw.” akʷ xoːtal aːmpət ti xortəŋkʷ patsət. ”ja mineːn, kʷaːlapeːn, eːrəŋ juw!” laːwi. kona kʷaːlapast,ti juw masaseːkʷ piɣ.. kon joxtəs kos, juw at sʲalti. uːsəŋ oːtər ojka kona ti kʷaːls, piɣaɣe woːws: “kona kʷaːleːn pasʲa waːrəŋkʷ!”

kona kʷaːlssət, juw woːwawe: “joxtəŋkʷe ti joxtəsən, paːwlkant xum mus lʲuːlʲeɣn, juw sʲalten!” ”am naːn maːɣsələn joxtəsəm? aːkəmeːkʷa aːɣi sʲoːpits, ta aːɣi maːɣs ti joxtəsəm." "xoːt oːləm aːɣin?! aːɣi aːtʲim, aːɣi sorəmn pats.” taw man waːssiɣ juw sʲalti?! ”ti kolən uːnləm maːteːt akʷ jiːw owle at xulʲtəpteɣm. jomasəl ke taŋxijən, jaɣaːɣim tiɣ totələn!” manare waːssiɣ toteɣt, taw xoːt lʲuːlʲi?! uːsəŋ oːtər ojk laːwi: “maːji tawe xunʲ weːrmiluw?! masmaseːkʷa piɣ, am laːtŋəm xuːntamleːlən! ulʲawittaːl uːnləptan aːɣikem toːrəm oːlne jeːləm oːlne jurtiɣ tuw sʲalten!” tuwl waːpsxum xuril ta sʲaltəs.janiɣ ojkan tuw ta totwes, laːwi: “najwaːpəs ti tuːlsʲəm, oːtər waːps ti tuːlsəm.” eːlalʲ ti oːlmiɣtasiɣ.

uːsəŋ oːtər ojka kole tarməl oːs akʷ aːɣi onʲsʲi. tuw sʲalti, mowali, oːs tuw sʲalti, oːs mowinti akʷaɣ. akʷ eːt oːs ta joxtəs teːn paːlteːn. kile lʲaːlʲt aːŋkʷati, oːs ta mowintaŋkʷ pati. anʲ masmaseːkʷ piɣ nomte lʲuːlʲiɣ ta jeːmtaps. nʲoːŋx ta lʲuːlʲməts, aːte lʲawti, aːte potərti. aːlmajaste, kona totaste, uːs keːralʲjiw aːŋkʷalən eːŋənnəl xalʲtəmtaste. xolit kʷaːlmənəlt akʷaɣ poːlʲima; xoːtpan tuw xalʲtəmtawes, sam sunsim aːtʲi.

uːsəŋ oːtər ojka laːwi: “samsustaːl man os oːli, taw man neːn alwes, taw man xumən alwes?” janiɣ ojka laːwi: “paːŋxʷ teːn ojka piɣ tiɣ totələn!” uːsəŋ oːtər ojka akʷ piɣe ta keːtəste. paːŋxʷ teːn ojk uːsəŋ joxtəs. paːxʷ teːn ojk kolən sʲaltəs, laːwi: “ojka, naŋki sampəlʲtaːl patsən; piɣən aːsʲəmn woːwes.” an piɣe keːtəŋkʷ patəste, laːwi: “naŋ jalaken!” laːwi.

sʲoːpitawes, minasiɣ. uːsəŋ oːtər ojk uːsən joxtəsiɣ. uːsəŋ oːtər ojk kolən sʲaltsiɣ. kit paleːnəl aːlmalane janit arɣinpuːt taɣatawes, nʲowlʲəl taɣle peːtwes. paːŋkʷəl ti tittawes. ti kutʲsʲawes. kolkant joːmiɣtaŋkʷ ti pats, uːntəŋkʷ aːt weːrmi. potərtaŋkʷ ti pats:

”kislakʷ joːŋxam laːkʷəŋ toːrəm,

suwkis joːŋxam laːkʷəŋ toːrəm janitəl

saməŋ xum samaɣm ti kos totiɣlijaɣm,

neːmxotti neːn at sunsiləm,

neːmxotti xumən at sunsiləm;

susnem tij, waːnem tij:

masmaseːkʷa piɣən sunsiləm.”

tox lʲaːɣəs, masmaseːkʷa piɣ kona ta minam, mirən at wajwes. kon kʷaːls, aːmpət teːneluwl ta paːɣʷtijane, ta rawtijane. anʲ aːmpət ta purxateɣt, ta xorteɣt, ta manareɣt. ta porat juwlʲe roːŋxuwləs: “naːn manriɣ akʷ kolən atxatsən, xoːntən ti juweːw!” anʲ kol kiːwərn atxatiɣləm mir kona ta lonʲxatast. taw ta xalt juw sʲaltaps. mirən juw sʲaltəm at wajwes. juw sʲaltaps. anʲ paːŋxʷ teːneː xum iŋ joːmiɣti. puwəmtaste, isəm puːt kiːwərn puŋke xalʲtəmtaste.

anʲ mir oːs juw roːŋxuwlasane: “manriɣ kona minasən pusən, anʲ puŋke puːt kiːwərn tuw lupxatam!” mir pusən juw sʲaltsət, taw kona miname oːs at wajwes. juw totəŋkʷ patwes, oːs at kaːsasʲeɣt. oːs masmaseːkʷa piɣən ti pojksʲaŋkʷ patsət: “naŋ ti totilən!” ”totiləm, totiləm”, laːwi.

totəŋkʷ patwes. saːt nʲololuw kem aːmp ta keːrwes. anʲ sorəmn patəm xum taːltawes, tawki taːls, ta minas. lʲoːŋx waːtaːt kit xum leːŋən paːxʷteɣ nʲaːləl jowtəl. akʷ nʲaːl tiɣ ti raɣats taw poːxeːn. anʲ nʲaːl aːlmajaste, wiːlʲtən ti puwtmaste. anʲ xumiɣ ti roːŋxsaɣe, xumiɣ tiɣ ti joxtsiɣ. ”ja tij manər waːrssən?” laːwi. ”ti xum paːŋxʷ teːs, iŋət sajkali, am juw totəŋkʷ patəsləm, neːn nʲaːl lisən, tiɣ waɣləs, taw wilʲte peːlwes, anʲ ti alaslən. aːsʲe paːlt neːn i totələn, am at mineɣm!” ja pojksʲeɣ: “ta janit jomas waːren, naŋki toteːlən!” ”totən ul kos totiləm, tax ta paːŋxʷ teːn ojkanəl am at ojiɣpeɣm. neːnki totələn!” ta pojksʲasiɣ, ta kapərtasiɣ. ”mana kem woːweɣn, ta saːwitəl i miɣləmeːn (OR ta saːwit miɣmeːn).”

ta totaste, ta totaste. paːŋxʷ teːn ojka kolaːwisuːntən joxtəs, anʲ aːwi paːliɣ ti puwtmaste. anʲ aːmpət juw ta lonʲxatast. ”ja ojka saɣreːn, saɣren, naŋən teːn ajn utət ti joxtəst!” anʲ ojka saɣrap nʲirmats, mori ta saɣri. man aːmp lʲikmi, man sorəmn patəm xum lʲikmi, akʷaɣ saɣri.. ”ojka, naŋ ti manər waːreɣn? anʲ piɣən naŋki ti saɣrəslən! piɣən kutʲsʲəm xum oːls, iŋ xujas, naŋki i alaslən!” ojka laːwi: “xoː ti janit waːɣl roːŋxi: naŋən teːnutət ti sʲaltsət?””am joxtəmumt ti aːwisuːntət nʲawram saːw. taːn i roːŋxeɣt.”

Imprint - Privacy Disclaimer - Contact
Last update: 24-08-2023