1. kaːsəm joxan xosʲa kaːtra βɵːsət ʃɛpan jɔːx. mɛt βɵːn ʃɛpan xɵː βɵːs moɬtan. moɬtan jɔːx kaːtra ɬuŋtəsət sʲartəŋ jɔːxa, mɛt taːsʲəŋ βɵːsət. ɬiβ βɵːsət aːj βɔːʃ joxan, βɵːn βɔːʃ joxan xɔːnŋətən. sʲi joxanət aːr xuɬ tajsət. βɵːntətən aːr sir βɔːjət βɵːsət. ɬiβ aːr βuɬi tajsət. moɬtanət kutən aːr ʃɛpan βɵːs. ɬuβ sorma jiteɬ jupijən sʲarɬaɬ meːt aːj poxɬaɬa paː mɛt aːj eːβiɬaɬa pitɬət.
2. ɬiβ aɬmənti ki tɵːrəmən sʲi sʲira muɬətsa. muj aːrat βɛreɬ oʃa βɛrti xɵːtəɬ? xojat kaʃaŋa ki jiɬ, aɬmənti ki ɬuβ βɵːɬɬe, muj pata, xoj βɛrəm nʲurən kaʃaŋa jis. ɬiβ ʃɛpanɬaɬən: muj ɬaːjəm ixətman, muj paː peːnʲsʲarən sɛŋman oʃa βɛrəntɬəɬɬaɬ. mɵːʃəŋ xojat sorma ki jiɬ, ɬiβ lopɬət, tɵːrəmən sʲiti paːrtəm. ʃɛpanɬəti jɔːx sʲartteɬ pata mirən moɬtijən tɵːɬijət. tɵːx sʲɔːs ʃɛpan xɵː lopəɬ, muj kanɬət sɛmsajotət. xɵːn oʃa βɛrsa, muj kanɬət sɛmsajotət, jɛməŋ taxija jir βɛrti jaŋɬət. xɵːn jir βɛrɬət, βuɬi sox taɬaŋ tɛɬən βeʃsoxəɬ mujəɬən xorɬa sʲit pata, aɬmənti ki sʲi βuɬi isəɬ sɛmsajotəta muj paː tɵːrəma manəɬ, xoti ʃɛpanɬəɬi. βuɬi sox jɛməŋ taxija ixətɬa, sʲata xajɬa. xɵːn jiŋ βɵːrta jir tɵːɬi, βuɬi ki soxəɬ jiŋka ɛsəɬɬa. xɵːn jiŋ xuɬ an βeːɬəsəɬ, mir ʃɛpan jɔːx xosʲa jaŋxijəɬəɬ sar pata. ʃɛpan sʲartəɬ paː lopəɬ, muj kanʃəɬ jiŋ βɵːrt. – jɛməŋ taxijən xajəɬti porməs (βuɬi soxət, nʲoxəs soxət, βoxsar soxət, paː paː sir porməs) sʲart jɔːxən xanʲija βuɬijət. sʲiti lopijəɬət mir, xojən ʃiβaɬijəɬsajət.
3. pupi sʲaːsʲi kaːtra tɵːtʲɬəsi ij taxi eːβəɬt paː taxija sʲart jɔːxən xɵːɬəm jɛŋk xɔːptijən. xɵːn xojat pupi sʲaːsʲi kaːsɬəptəti manəɬ, nɛmxojata βaːnti an raxəs, mɛt ʃɔːpəŋ imeta. nʲaɬ βeːt ɔːɬ jeːɬpijən kaːsəm βɵːnt eːβəɬt pupi sʲaːsʲi tɵːsi βeːt xɵːjən βɔːʃa. xɵːn βɔːʃa tɵːsi, ɬarpətti pitsa. ʃɛŋk aːr ɬɵːmətsox, aːr oxʃam, aːr βox, nʲoxəs soxət, βoxsar soxət tajəs sʲi aːkanʲ. sʲi porməs xoɬijeβa ɬuβeɬ ɬɵːməttəman βɵːsət, sʲi toxəɬpijən aːr lipasʲ porməs βɵːs. sʲi porməsət intam βɵːɬɬət musʲejətən.
4. kaːʃəŋ xɔːtən kaːtra βɵːsət jokan ɬɵːŋxət. sʲit aɬmənti ki xuβən parəm sʲar xɵː (ɬiβ rɵːtna xɵːjəɬ) isəɬ βɵːɬ. tɵːx sʲɔːs sʲiməsʲ xɔːtəŋ aːki (ɬɵːŋx) aːr βɵːs, xɵːn sʲi xɔːtən muj rɵːtna jɔːx kutən aːr sʲar xɵː βɵːs. sʲi ɬɵːŋɬaɬa ɬaːrasʲət βɛrɬət. sʲi ɬaːrasʲɬaɬa βɵːn βɔːj soxət (βoxsar soxət, nʲoxəs soxət, βɵːntər soxət, lɛpək soxət) muj paː sʲaʃkan, sʲaʃkan saxət, oxʃamət ponijəɬsət. muj jam ot kaːβərɬət, aːnət ɔːməsɬət ʃiβɬaɬ manti βɵːnta, aɬmənti ki ʃiβɬaɬ βɵːɬti marən ɬɵːŋxət seːβəməɬət. sʲit pata ɬɵːŋxəta pɔːjəksʲijəɬsət, βeːɬpəs βɛrəɬ, βɵːɬəpseɬ jam aːt βɵːs. xɵːn an βɵːɬeɬ, muj xɔːtəŋ ɬɵːŋxa mɔːsəɬ, ɬiβ jaŋɬət sʲar xɵː xosʲa. sʲar xɵː sʲarɬ paː lopɬəɬɬe, muj sir ɬɵːŋxa muj mɔːsəɬ.
5. kaːtra, xɵːn kɵːr antɵːm βɵːs, tut aɬʲɬʲəsət raːt ɵːxtijən xɔːt ɬipijən. βaːn kutəɬ xɔːtət tutən ɬaːβəmsajət. ɬuŋətən βɵːɬɬijəɬsət tonti xɔːtətən, taɬətən βɵːɬɬijəɬsət nʲuki xɔːtətən. tut βɵːn taxi tajəs xannɛxɵː βɵːɬəpsijən. sʲit pata ɬuβ ɬuŋətsa ɬɵːŋxa, xonnapa sɔːt ɬɵːŋx numpija ɬuŋətsa; aɬʲsʲəsi "sɔːt ɬɵːŋx numpi noβi naːj" . isʲiti βɔːj soxət, sʲaʃkan saxət, oxʃamət, sʲaʃkanət tuta ɬaːptijəɬsajət. mɔːsəŋ paː sʲit pata in paː lopɬa: tut ɬɛɬ. tut xɔːnəŋa ɬɛtoti aːnət ɔːmsijəɬsajət, aɬmənti ki tut seːβəməɬ.
6. βɵːsət jiŋ βɵːrtət paː βɵːn ɬɵːŋxət. jiŋ βɵːrt pata ɛsəɬɬijəɬɬət ɬiɬəŋ βuɬi, mɛt piti, βɵːn xɔːr jiŋka sʲit pata, jiŋ βɵːrt jiŋ xuɬ oj aːt ponəs. xɵːn xojat jiŋka pitəs, aɬmənti ki jiŋ βɵːrta moɬti mɔːsəs paː an tɵːsi. sʲit pata xannɛxɵːja nʲurəɬ tɵːsɬe. βɵːn ɬɵːŋxət pata xɔːtət, ɬopasət βɛrənsajət βɵːnn. sʲi taxet jɛməŋ taxija aɬʲsʲəsijət. xɵːn βeːɬpəs xɵː βɵːnn jaŋxəɬ, ɬuβ jokana pɔːresəɬ, aːnət ɔːməsəɬ ɬiβ pateɬa. |
