1. uka ʃɵːpije sʲaːsʲeɬ imeɬ βɵːs. sʲaːsʲeɬ imeɬ βaːn kutəɬ xiɬeɬ βɵːntiɬəɬɬe: “jama βɵːɬa , jaːsəŋ xɵːɬənta, jeːtnətən xuβ aːɬ jaŋxa.” uka ʃɵːpije sʲaːsʲeɬ imi jaːsəŋa an xɵːɬənɬ. ɬuβ kaːʃəŋ jeːtən kuɬa patləti βɵːnta rɛpən xatətʲɬʲəɬ. ij moɬtijən sʲiti xatətʲɬʲətaɬ saxat xintəŋ imi joxtəs. xinɬ ɛŋsəɬɬe paː rɛp iɬpija ɔːməssəɬɬe paː lopəɬ: “uka ʃɵːpije, tiβ xatəma, tiβ!” uka ʃɵːpije lopəɬ: “maː sʲiβ xɵːn xatəməɬəm.” uka ʃɵːpije kuʃ xatəməs xint ɬipija tɵːp mort. xintəŋ imi xinɬ nɛpɛməsɬe paː jeːɬ ʃɵːʃməs. uka ʃɵːpije sʲoxri ʃɵːpije tajəs. soxreɬən xint pati moxti poritsəɬɬe paː iɬi raknəs. “imɛm imi, maː sʲi xasʲsəm.” “xasʲa, xasʲa! maː paː sʲɔːs kaːrti xint tɵːɬəm.” uka ʃɵːpije joxi manəs. oxəɬ sɛməɬ montəɬməs, iɬi oɬəs. sʲaːsʲeɬ imeɬ kuʃ ɬʲaːβtiɬes, ɬuβ sʲiβ xɵːn xɵːɬənɬ? paː xaɬeβta jis. isʲiti uka ʃɵːpije isʲi rɛpəɬa manəs. sʲiti xatɬəɬ manəs, jeːtna jis. uka ʃɵːpi jox an manəɬ, xatətʲɬəɬ. sʲiti xatətʲɬʲətaɬ saxat kaːrti xintəŋ imi jiɬ. xinɬ ɛŋsəɬɬe, rɛp iɬpija ɔːməssəɬɬe. “uka ʃɵːpije, tiβ xatəma, tiβ!” “maː sʲiβ xɵːn xatəməɬəm.” kuʃ xatəməs kaːrti xintəŋ tɵːp mort. xintəŋ imi xintəɬ nɛpɛməsɬe paː jeːɬi ʃɵːʃməs. uka ʃɵːpije sʲoxri ʃɵːpijeɬ aːɬəməs paː kaːrti xint poritti pitsəɬɬe. poritsəɬɬe, poritsəɬɬe, kaːrti xint moxti pitəs. uka ʃɵːpije kim raknəs. “imɛm imi, maː sʲi xasʲsəm.” “xasʲa, xasʲa! maː paː sʲɔːs patər ox xintɛm tɵːɬem.” uka ʃɵːpije joxi manəs, oxəɬ sɛməɬ montəɬməs paː iɬi oɬəs. sʲaːsʲeɬ imi kuʃ ɬʲaːβtiɬes, ɬuβ sʲiβ xɵːn xɵːɬənɬ? xaɬeβta jis, uka ʃɵːpije ɵːxɬijeɬ aːɬəməs paː isʲi rɛpəɬa manəs. xatɬəɬ sʲiti manəs, jeːtna jis. sʲiti xatətʲɬʲətaɬ saxat patər ox xintəŋ imi joxtəs. xinɬ ɛŋxəmsəɬɬe, rɛp iɬpija ɔːmsəɬɬe. “uka ʃɵːpije, tiβ xatəma, tiβ!” “maː sʲiβ xɵːn xatəməɬəm.” kuʃ xatəməs patər ox xint ɬipija tɵːp mort. xintəŋ imi xinɬ nɛpɛməsɬe paː jeːɬi ʃɵːʃməs. uka ʃɵːpije sʲoxri ʃɵːpəɬ aːɬɛməsɬe paː patər ox xint poritti pitsəɬɬe. poritsəɬɬe, poritsəɬɬe, sʲoxri ʃɵːpijeɬ ʃɵːpa mɵːrɛməs. uka ʃɵːpije xint ɬipijən sʲiti sʲi xasʲəs.
2. xintəŋ imi joxi joxtəs, uka ʃɵːpije xɔːt paːβərta sɛŋsəɬɬe jɔːʃəɬ kurəɬ eːβəɬt, nʲoɬəɬ jintəpən ɬɔːsʲsəɬɬe. xintəŋ imi nʲaːβrɛmŋəɬ pɛɬa lopəɬ: “nin joɬən βɵːɬatən! maː jiɬəp tonti xorti jaŋɬəm, jiɬəp kɛɬi, jiɬəp nʲoxi ɬɛti sɵːnət βɛrɬəm.” xintəŋ imi manəs. uka ʃɵːpije xintəŋ imi nʲaːβrɛmŋən pɛɬa lopəɬ: “manətti ɛsɬaɬən! maː ninən aːj nʲaːlet paː ɬijət βɛrɬəm jiɬəp kɛɬi, jiɬəp nʲoxeɬ ɬɛti.” nʲaːβrɛmŋən sʲiβ xɵːɬəntəsŋən, uka ʃɵːpije nox ɛsəɬsəɬən. uka ʃɵːpije ɬaːjəm βus, keːʃi βus, jux nʲoxərti taxija manəs. “nʲaːβrɛmŋən, tiβ jaŋxaɬən! muj βɵːnat nʲaːli, muj βɵːnat ɬij ninən mɔːsəɬ?” nʲaːβrɛmŋən sʲiβ joxətsəŋən; uka ʃɵːpijen oxɬən ʃɵːpa seːβərməsijŋən. paː xintəŋ imi nʲaːβrɛmŋən nik kaːβərsəɬɬe, aːr sɵːna ponsəɬɬe. ij sɵːn xintəŋ imi jɵːʃ kutəpa ɔːməssəɬɬe, kimət sɵːn kɵːrt xɔːnəŋa, xɵːɬmit sɵːn ɔːβ kimpija. sʲitɬən xɔːjmi sɵːn ponəs, kaːβrəm porɬʲi βus paː βɵːn naːŋka nox xɵːŋxəs. xintəŋ imi joxi jiti pitəs. kɛɬi ɛpəɬ xɵːɬəs. nɵːməsəɬ: “mata aːtəm nʲaːβrɛmŋən! manətti an ɬaːβətsəŋən, siri uka ʃɵːpije nik kaːβərsəɬən.” jɵːʃ xuβat jitaɬ saxat sɵːn ʃiβatəs. sʲiβ xatəməs, pul ɬaːβɛməs paː nʲɵːxməs: “ʃat ʃa, maː kɛɬɛm, maː nʲoxɛm ɛpəɬən aːβəɬ. maː tajsɛm, maː kaːtəɬsɛm, aɬt maː kɛɬɛm, maː nʲoxɛm ɛpəɬ tajəɬ.” sʲiti jeːɬ ʃɵːʃməs, kɵːrt xɔːnəŋa joxtəs. sɵːn ɔːməsəɬ, xintəŋ imi sʲiβ sʲakəs, ij pul ɬaːβɛməs. “ʃat ʃa, maː kɛɬɛm, maː nʲoxɛm ɛpəɬən aːβəɬ. maː tajsɛm, maː kaːtəɬsɛm, aɬt maː kɛɬɛm, maː nʲoxɛm ɛpəɬ tajəɬ.” paː jeːɬ ʃɵːʃməs. joxi joxtəs, ɔːβ xɔːnəŋən sɵːn ɔːməsəɬ. ij pul ɬaːβɛməs. “ʃat ʃa, maː kɛɬɛm, maː nʲoxɛm ɛpəɬən aːβəɬ. maː tajsɛm, maː kaːtəɬsɛm, aɬt maː kɛɬɛm, maː nʲoxɛm ɛpəɬ tajəɬ.” joxi ɬoŋəs, nʲaːβrɛmŋəɬ ɬʲaːβtiɬɬe, kuʃ βutsʲiɬsəɬɬe. sʲi kutən uka ʃɵːpije kaːmən uβtəs: “imɛm imi, maː tata. kim ɛta!” xintəŋ imi kim ɛtəs. ɬaːjəm aːɬɛməs, naːŋk iɬi seːβərti pitsəɬe. seːβərsəɬe, seːβərsəɬe, βeːβɬi pitəs. uka ʃɵːpije lopəɬ: “βoɬija, imɛm imi, seːβərti! naŋ iɬi oɬa, sɛmŋəɬan nox punʃa, uŋɬən βɵːna taːɬa, maː naŋ uŋɬena ɛsɬəmɬɛm.” xintəŋ imi iɬi oɬəs, sɛmŋəɬ βɵːna punʃəs, uŋɬəɬ βɵːna taːɬəs. uka ʃɵːpije xɔːjmi sɵːnəɬ eːβəɬt xɔːjəm ʃɔːʃəmti pitəs. xɔːjəm ʃɔːʃəmman iɬi βɔːxəɬti pitəs. kaːβrəm porɬʲeɬ xintəŋ imi uŋəɬ βusa kitsəɬɬe. xintəŋ imi parəs. uka ʃɵːpije iɬi βɔːxɬəs, tɵːrma xɔːjəm, muβa xɔːjəm βɵːn tut taxəs. xintəŋ imi sʲiβ kitsəɬɬe paː lopəs: “aːkanʲ βɛnʃəp nɛŋəŋ tɵːrəm tiβtijən, aːkanʲ βɛnʃəp xɵːjəŋ tɵːrəm tiβtijən tamisʲ pokəsʲ paː aːɬ βɵːs!”
3. sʲitɬən sʲaːsʲeɬ imi xosʲa joxi ʃɵːʃməs. sʲaːsʲeɬ imi ij tut suɬmijeɬ xasʲmaɬ. ij raːt ɔːɬəŋ eːβəɬt poɬətɬəɬɬe, kimət raːt ɔːɬəŋa keːrijəɬ, paː tiʃtəɬ: “xiɬijɛm βaːntəm tut suɬmijɛm sʲi xɵːrɬəɬɬe.” uka ʃɵːpije sʲaːsʲeɬ imi tut suɬtəm jiŋn ʃɔːʃɛməsɬe, sʲaːsʲeɬ imi kur nʲoɬ tija ɔːmsəɬɬe paː noxɬi ʃɵːŋsəɬɬe. sʲaːsʲeɬ imi ɛtərŋən siβəsŋən βɵːnta noxɬi jaŋxəs paː iɬi pitəs. iɬi pitmaɬən ɬaːpət xosʲ jaːŋ taɬ aːj eːβi ʃɵːʃijəɬ. sʲi sʲunʲəŋ xɵːɬəŋən in paː sʲi βɵːɬɬəŋən. |
