| ɑβəs ort pɐːnə roːpəɬtətə qoː pərili |
1. əj mətɐ ɬɐːtnə tɐːsəŋ qoː βoɬ. tʲuː tɐːsəŋ qoː βɑɬtɐɬnə ɑntɐ mʉβ qoβli βɑɬtə mʉβ tɐːsəŋ qoː, ɑntɐ mʉβ βɐːnli βɑɬtə tɐːsəŋ qoː, jəmɐt tɐːsəŋ qoː, jəmɐt ɐːr βeːɬi tɑjəɬ. ɐːr mətɐ tʲorəs βeːɬi tɑjəɬ. pɐːnə əj roːpəɬtətə qoː pərili tɑjəɬ. tʲuː roːpəɬtətə qoː... keːnʲɐr mətɐ roːpəɬtətə qoː pərili tɑjəɬ. teːm mətɐ βɑɬtɐɬnə ɑntɐ qoβli mʉβ βɑɬtɐɬɣə jəɣ, βɐːnli βɑɬtɐɬɣə jəɣ, əj ɬɐːtnə roːpəɬtətə quːjəɬ ɑβəɬ pətəɣɐ ɒːməstɐɣə jəɣ, ɑβəɬ ɬəɣpinə sʉj βɛrɬəɣ jəɣ.
2. əj mətɐ ɬɐːtnə tʲuː tɐːsəŋ quːjəɬnə pɯːriɬi: “roːpəɬtətə quːjəm, mʉβ mɐːnə ɐːtəm mətɐ uːrnə tɑjiɬɬo? mʉβ ɬiːtotɐt-quːɬɐt əntə ɬɐːpətɬo? mʉβəɬiji tʃɐːɬʲɣə jəɣən?” – nʲɑβmiɬ. “nʉŋnə – jɐːstəɬ – βɒːjəɣɬəmin-pə əntə tɑjɬojəm – jɐːstəɬ – ɬiːtotɐt-quːɬɐt-pə ɬɐːpətɬojəm. mɐː əntə-pə tʃɐːɬʲɣə jəɣəm, əntə-pə pɯːttɐɣə-pə jəɣəm – nʲɑβmiɬ tɐːm. – nɛmɐ qoβ-pə əntə, ɐːmp tʲi qorəɣtəɬ – jɐːstəɬ – , ɑβəs ɬʲɐːɬʲ tʲi joβətɬ – jɐːstəɬ – pɐːnə ɑβəs ɬʲɐːɬʲ nʉŋɐt βɛɬtɐɣə joβətɬ – jɐːstəɬ – nɛmɐ ɑβəs ɬʲɐːɬʲ tʲi-pə kəɬəmtəɬ – jɐːstəɬ – ɑβəs ɬʲɐːɬʲ kəɬəmtətə ɬɐːtnə, ɑβəs ɬʲɐːɬʲ təɣə joβəttə ɬɐːtnə ɑβəs ort nʉŋɐti soːtʃəɬ. pɐːn nʲɑβmiɬ, nʉŋɐt βɛɬtɐŋ qolɐt soːtʃəɬ. pɐːnə nʉŋɐt βɛɬtɐ jətɐɬ ɬɐːtnə nʉŋ tɑm jɐːstɐ: «sɐːr mɐːnt ɐːɬ βəɬɐ! ɒːɬəŋ ɬɐːtnə qɑtʲɐ mɐː roːpəɬtətə quːjəm βəɬɐ! tʲuː pɯːrnə nʉŋ tɑm mɐːnt βəɬɐ!» nʉŋ tɐːm ɒːɬəŋ ɬɐːtnə mɐːntem piːrte, mɐːnt ɬʉβ βɛɬəɬ. tʲuː pɯːrnə tɑm mɐː nʲiːtʃi mətɐ uːr tɑjɬəm.”
3. top ɐːj kɵɬ nʲɑβəmɣən, top tərəmɣən, pɐːn tʲɑqɐ ɐːmp tʲi qorəɣtəɣ. ɐːmp qorəɣtəɣ, pɐːnə ɑβəs ɬʲɐːɬʲ pɐːn-pə tʲə tʲi sɒːɣəɬtətəɣ. ɑβəs ɬʲɐːɬʲ tʲə sɒːɣəɬtəmɐɬ pɐːn tʲɑqɐ pɐːn-pə ɑβəs ort tʲɑqɐ tʲuː tɐːsəŋ quːjɐ tʲi suːtʃəm. mətɐ sɐːr quːjɐ βɛɬtɐŋ qoɬɐt kɵtʃɣiɬnɐt suːtʃəm. kɵtʃɣiɬ ɐːɬəmmɐɬ ɬɐːtnə tɐːsəŋ qoː nʲɑβmiɬ: “sɐːr mɐːnt ɐːɬ βəɬɐ! ɒːɬəŋ ɬɐːtnə roːpəɬtətə quːjəmɐ mənɐ, βəɬe! tʲuː pɯːrnə nʉŋ mɐːnt βəɬɐ!”
pɐːn tʲuː roːpəɬtətə qoː pərili ɑβəɬ ɬəɣpinə ɒːməsɬ, pɐːn tʲi roːpəɬtətə qoː pərili tʲɑqɐ keːnʲɐr qoː pərili ɑβəɬ suːriji ɯːɬə kɵsiptəɣ roːqsoβəliɬ. pɐːnə kʉtpɐɬi tʃoːpɣə sɛβrəməɬ. əntɐ, sɐːpəɬ ɬoβəɬ sɛβrəmtəɣ. sɐːpəɬ ɬoβ ɯːɬə kɵrəɣmɐɬ ɬɐːtnə, sɐːpəɬ ɬoβəɬ tət rəkkən, sɐːpəɬ ɬoβ oːs noq ɬɑqqəntəɣ. tɐːɬəŋ qoː mɐːɣəɬnɐt noq ɬʲuːɬʲəmtəɣ. kiːmətɣə sɛβrəmɐɬ ɬɐːtnə oːβ ɬoβəɬ oːs ɯːɬə kɵrəɣ, oːs noq rəkniɬəɣ. qoːɬmətɣə sɛβrəmɐɬ ɬɐːtnə pɐːnə tʲuː sɐːpəɬ ɬoβəɬ oːs noq rəkkən. qoːɬmətɣə sɛβrəmɐɬ ɬɐːtnə sɐːpəɬ ɬoβəɬ oːs sɛβrəmɐɬ ɬɐːtnə pɐːnə tʲɑqɐ tʲuː keːnʲɐr qoː oːβ ɬoβəɬ oːs βɑɬəm tɒːɣiɬɐ rəkkən.
4. pɐːnə tʲuː keːnʲɐr qoː pəri tʲɑqɐ roːpəɬtətə qoː pəri tʲɑqɐ ɑβɬɐ kʉrəmtəɣəɬ, tʉβət quːtʃəm ɬɐːjəm oːβ pərili iːɬməɣtəɣ. pɐːn tʲi βiːkkətəɣ, jɐːstəɬ: “ənəɬ kʉr piːŋən tʲi sɛβərɬem! ənəɬ kʉr piːŋən tʲi sɛβərɬem!” – jɐːstəɬ tʲɑqɐ. ɑβəs ort jɐːstəɬ toβɐ: “tʲi ɬoβət jəm βərɐ, ənəɬ kʉr piːŋəm ɐːɬ səɣre! ənəɬ kʉr piːŋəm ɐːɬ səɣre! mʉβ ɐːrət tɐːs-βɑɣ ojɐɣtəɬəm, tʲuː ɐːritɐt nʉŋɐt məɬəm – jɐːstəɬ – qoːɬəm jɛŋk kɛɬəŋ puːɬəm, βeːɬəŋ ɑβɬɐm tʲeːn nʉŋɐti məɬəm.” tʲɑqɐ ɑβəs ort qonɣə tʲi βəjɣɐntəɣ. tʲuː keːnʲɐr qoː pərili nʲɑβmiɬ: “əj mətɬi-pə mɐːntem əntə mɒːsəɬ. mɐː nʉŋɐt ɛɬə nʲuːɬtiptəɬəm.” pɐːn ɛɬə tʲi nʲuːɬtiptətəɣ. jɐːstəɬ: “nəŋ oːs təɣnɐm ɬʲɐːɬʲɣə jʉɬtəɣ quːntə, tʲɒːrəs uːntʃtʃin ɬɐːtnə ɐːmp sɯːɣəmtə əj mətɬi-pə ɐːɬ qɯːjəmtəɬ. tʲɒːrəsnə əjnɐm jəŋkɐ mənitəɣ.” tʲi mɒːnʲtʲ tʲi tərəm. |
