| kit xum minasaɣ woːrna, jaːwaːta xosit joːmeɣ. […] |
kit xum minasaɣ woːrna, jaːwaːta xosit joːmeɣ. jujəl joːməm xumite laːɣlpaːle jollatkatəs. laːɣlpaːle noxxasəmtaste, jolalʲ aːŋkʷats: joln woːŋxat toːtap saka saːw. eːlalʲ laːwi moːt xumite nuːpəl: “teːxam, ul minən, juw joːŋxəsən, tiɣ susən, tit manart!” moːt xumit juw joːŋxəs. jolalʲ sunseːɣ: saka saːw toːtap uːnli, kit pal muːs kit meːŋkʷ lʲuːlʲeɣ. juː minasaɣ, maxmane nuːpəl laːweɣ: “totma xoːntsameːn, pat eːləmxoːləs jir eːri.” maːxmaneːn laːweɣt: “maːŋki mineːw, xililaw!”
minasət xiluŋkʷ. akʷ xumite laːwi: “meːn jaːnʲol uːlta minimen!” minasaɣ, xoːntleɣ. taːn xiwleɣt, potərteɣt: “maːŋki kitiɣlijeɣaw teːnteːn, xotjute laːɣlpaːle jollatkataːlas! tati ti puweːw, tati ti sʲamjuːniɣteːw, ta woːŋxan tuw i sʲeːltamtilaw.” teːn i laːweɣ: “xumaː! naːn toxa ke potərtaŋkʷ patsan, meːntaːlmeːn tortaːl totma xileːn!” xaitsaɣ akʷ paːlna. |
