| moxərleːŋnapiɣrsʲ nʲolŋakʷe sujiŋakʷe xuːrman oːleɣt. […] |
moxərleːŋnapiɣrsʲ nʲolŋakʷe sujiŋakʷe xuːrman oːleɣt. xosa oːlsət, waːtʲ oːlsət, jolxujasət. xujimeːnəl meːŋkʷojka joxts, laːwi: “moxərleːŋnapiɣrsʲ, konkʷaːllən, jonɣimen!” moxərleːŋnapiɣrsʲ laːwi: “am kon at kʷaːleɣm.” meːŋkʷojka juwsʲalti, aːwisoːplaɣ xotwojlesaɣe. meːŋkʷojkal alxatuŋk ti poːxtassiɣ. meːŋkʷojka jolitpattuws moxərleːŋnapiɣresʲna. tuːwl laːwi: “nʲolŋakʷeɣ sujiŋakweɣ, ulʲa tuːsʲteːn!” nʲolŋakʷeɣ sujiŋakʷeɣ ulʲa tuːsʲtəsaɣ, ulʲa lumsʲəs, ulʲa raːŋnəs. meːŋkʷojka wiːlʲte xotsʲaritasanl ta lumeːtəl. wiːlʲte xotsʲaritaws, konpuwtmaws, ta minas.
xujasət jola, noxkʷalsət. meːŋkʷojk oːs joxts, moːt meːŋkʷojk. oːs laːwi: “moxərleːŋnapiɣrsʲ, konkʷaːllən, jonɣimen!” moxərleːŋnapiɣrsʲ laːwi: “am kon manarm kinseɣm?” meːŋkʷojk oːs juwsʲalti, aːwisoːplaɣ xotwojləsaɣe, moxərleːŋnapiɣrasʲtəl alxatuŋk poːxtassiɣ. meːŋkʷojk oːs jolitpattuws. oːs laːwi: “nʲolŋakʷeɣ sujiŋakʷeɣ, ulʲa tuːsʲteːn!” teːn ulʲa tuːsʲtsaɣ, ulʲa lumsʲəs, ulʲa raːŋnəs. meːŋkʷojk wiːlʲte oːs xotsʲaritasanl, konpuwtmasanl.
moxərleːŋnapiɣrsʲ meːŋkʷət paːlt xajts, tuw joxts, kolalan nokxaːŋxəs, surmnəl juwlʲe sunsi: meːŋkʷojka wiːlʲte akwaɣ paːrt xojtəl sʲarjime. meːŋkʷojka manʲ aɣite nuːpəl laːwi: “naŋ aːkʷneːkʷa paːlt jalən, peːnɣaltən!” aːɣit laːwi: “am at mineɣm.” meːŋkʷojka tuwl kotʲəlʲ aːɣin laːwi: “naŋ kotʲəlʲ aːɣi, jalən, aːkʷneːkʷ paːlt peːnɣaltən!” kotʲəlʲ aːɣi laːwi: “am at mineɣm.” tuwl laːwi: “janɣaːɣi, naŋ jalən!” janɣ aːɣi minas peːnɣaltaŋkʷ. moxərleːŋnapiɣrasʲəl akʷ jot ta minasaɣ, moxərleːŋnapiɣrsʲ koln ta joxtsaɣ. anʲ ta sʲunʲeɣ, anʲ ta oːleɣ. |
