1. imɛŋən ikɛŋən βɵːɬɬəŋən. pox tajɬəŋən. poxəɬ xatɬətən jaŋxəɬ manəɬ. kim ɛtəɬ, joxi ɬoŋəɬ xɔːt ʃaʃ porβus eːβəɬt. i moɬtijən mantaɬ jeːɬpijən aŋkɛŋəɬ aːsʲɛŋəɬ pɛɬa lopəɬ: “maː mantɛm jupijən jalanʲ iki joxətəɬ. ɔːβ eːβəɬt ki joxi ɬoŋəɬ, aːɬ ɬaːptaɬən, aːɬ jaːnʲɬʲsʲaɬən! xɔːt ʃaʃ porβus eːβəɬt ki ɬoŋəɬ, βɵːn seːβəs jeːβən nik kaːβərtaɬən, jiŋkəɬ xoɬ ɔːmsaɬən, xuɬəɬ xoɬ ponaɬən! xuɬəɬ ki xoɬ ɬɛɬɬe, jiŋkəɬ ki xoɬ jaːnʲɬəɬɬe, maː βɛrɛm βeːβtam. xuɬəɬ ki xoɬ an ɬɛɬɬe, jiŋkəɬ ki xoɬ an jaːnʲɬəɬɬe, taɬaŋ jɔːʃ, taɬaŋ kur jaŋxɬəm.” poxəɬ manəm jupijən imɛŋən ikɛŋən ɔːməstan saːxat xɔːt ʃaʃ porβus eːβəɬt jalanʲ iki joxi ɬoŋəs. imɛŋən ikɛŋən seːβəs βɵːn jeːβən nik moɬsəŋən. xuɬəɬ xoɬ ponsəŋən, jiŋkəɬ xoɬ ʃɔːʃəmsəŋən. jalanʲ iki ɬɛs jaːnʲsʲəs, xuɬəɬ xoɬ an ɬɛs, jiŋkəɬ xoɬ an jaːnʲsʲəs. isʲi porβus eːβəɬ kim ɛtəs. kimət xatɬa jis. kat oxəp jalanʲ iki xɔːt ʃaʃ porβus eːβəɬt joxi pitəs. imɛŋən ikɛŋən βɵːn seːβəs jeːβən nik kaːβərsəŋən, xuɬəɬ xoɬ ponsəɬɬən, jiŋkəɬ xoɬ ʃɔːʃəmsəŋən. jalanʲ iki ɬɛs jaːnʲsʲəs, jiŋkəɬ xoɬ an jaːnʲsʲəs, xuɬəɬ xoɬ an ɬɛs. isʲi xɔːt ʃaʃ porβusəɬ eːβəɬt kim ɛtəs. imɛŋən ikɛŋən nɵːmsijɬəŋən: “poxɛmən taɬaŋa, jama jaŋxəɬ. xɵːɬmit xatɬa jis. xɔːt ʃaʃ porβus eːβəɬt xɵːɬəm oxəp jalanʲ iki xɔːt ɬipija pitəs. imɛŋən ikɛŋən isʲi seːβəs βɵːn jeːβən nik moɬsəŋən. putən xɔːnsəɬɬən. jalanʲ iki ɬɛti jaːnʲsʲi ɔːmsəs. jiŋkəɬ xoɬ jaːnʲsʲəs, xuɬəɬ xoɬ ɬɛs, ɔːβ eːβəɬt kim ɛtəs. imɛŋən ikɛŋən noməsɬən βaːna jisŋən: poxən moɬti βɛrəɬ aːtma sʲi jis.
2. poxəɬ jaŋti manti taxeɬən sʲi aːrn moɬtijən sʲi xorɛməsi. i moɬtijən ʃiβaɬɛmaɬən ɬuβ jeːɬpeɬən it paː tɵːɬi. tɵːsi tɵːsi, jɔːʃŋəɬ nox rakənsəŋən. ɬuβ xɵːsɬi sijɬi tɵːti saːxat jɔːʃŋəɬ paː rakənsəŋən. paː jeːɬ tɵːti pitsajŋən. sʲiti tɵːtan saːxat jeːɬ pɛləkən tɵːti xɵːjəɬ kurŋəɬ paː nox rakənsəŋən. isʲi puɬʲaŋ ɬuβ kurŋəɬ paː nox rakənsəŋən. paː jeːɬ tɵːti pitsajŋən. tɵːsijŋən tɵːsijŋən, pɔːrəx ʃɵːpɬən nox rakənsəŋən. paː tɵːsijŋən tɵːsijŋən, pɔːrəx ʃɵːpɬən sʲi βeːsʲəssəŋən. paː tɵːsijŋən tɵːsijŋən, jɔːʃɬən kurɬən nox βeːsʲəssət. sʲi tɵːsijŋən tɵːsijŋən, nʲarəm naːŋk, nʲarəm xɵːɬ karsʲat xɔːtəp kɵːrta joxətsəŋən. ij xɔːta joxi ɬoŋsəŋən. βaːntijɬəŋən: ij xɔːt suŋən imi ɔːməsəɬ; oxəɬ siβəsən, kurəkən tixəɬa βɛrəm. kimət xɔːt suŋən iki ɔːməsəɬ; oxəɬ karəʃən, βɔːrəʃən tixəɬa βɛrəm. xɔːt kutəpən mir βeːɬpəsɬəɬət: xuɬ βeːɬti xɵː xuɬ βeːɬ, βɔːj βeːɬti xɵː βɔːj βeːɬ. sirija juβəm xɵːjəɬ nʲɵːxməs: “βurti βɔːj, xuβɬa, noβi βɔːj xuβɬa!” xuβɬəsət noβi βɔːjət, βurti βɔːjət. ij βɔːj ʃanʃa ɬɛɬəs, βut pɛləka tɵːsi. “noβi βɔːj, βurti βɔːj raxa, βɛŋ xɵː, tɔːn xɵː ɔːməstaŋ lɔːt taxija tuβɛ, ɬɔːɬʲsʲi lɔːt taxija tuβɛ!” βurti βɔːj, noβi βɔːj xɔːβɛməs, ɔːməsti lɔːt taxija tɵːsi, ɬɔːɬʲsʲi lɔːt taxija tɵːsi. siri joxtəm xɵːjəɬ niməɬŋəɬ βaːttɛməs, aːsʲeɬ iki nʲoɬ βusa ɬoŋɛməs, aŋkeɬ imi nʲoɬ βus eːβəɬt joxi raknəs aɬsaŋ nʲoxi, pɵːɬʲsʲaŋ nʲoxi tɛɬən. aɬsaŋ nʲoxi, pɵːɬʲsʲaŋ nʲoxi kaːβərsət. βɛŋ xɵː, tɔːn xɵː ɬaːpətti jaːnʲɬʲsʲəti ɔːmsəɬsa paː lopijəɬət ɬuβ pɛɬaɬa: “mɔːsəŋ xojat βɔːxti tajɬən, βɔːxe!” sʲitɬən βɛŋ xɵː, tɔːn xɵː nox ɬɔːɬʲəs, ɬɛpəŋ βɵːnta jaŋxəs, jam pɛlək jɔːʃəɬən xojat jɔːʃa kaːtəɬəs. joxi ɬoŋsəŋən, pasan xɔːnəŋa ɔːməssəŋən. mattirən, xatəɬ βeːsʲəp βeːsʲəŋ nɛ, tiɬəsʲ βeːsʲəp βeːsʲəŋ nɛ. ɬɛsət jaːsʲət.
3. xuβ βɵːs, muj βaːn βɵːs, i moɬtijən βɛŋ xɵː, tɔːn xɵː lopijəɬ: “maː, muβəŋ xɵː, jiŋkəŋ xɵː, jiŋkɛm noməsən pitsajəm, muβɛm noməsən pitsajəm. moɬti kɛmən muβɛm pɛɬa manti mɔːsəɬ. “up jɔːxɬaɬən nʲoxsəŋ taːsʲən, βɔːjəŋ taːsʲən jokansa. nʲoxsəŋ taːsʲəɬ mujəɬən, βɔːjəŋ taːsʲəɬ mujəɬən, meːnʲ nʲe ɬɛɬtəm ɵːxəɬən joxi manti pitəs. joxi joxətsəŋən aŋken aːsʲen xosʲa. jeːʃa βɵːs, tonti nʲaːnʲ pox joxi ɬoŋɛməs. jɔːʃ aːteɬ, saːpəɬ aːteɬ, sira βura inʲsʲəsti pitsəɬɬe: “xoɬʲsʲa βujəm taːsʲen, xoɬʲsʲa βujəm meːnʲ nʲeŋən? manɛma aːɬʲe, maː paː jaŋɬəm.” “aktəsʲa, xaɬeβət manɬəmən.”
4. xaɬeβta jis. meːnʲ nʲɛŋəɬ jɔːʃəɬ jɔːβəɬməsɬe, sʲi ij jupijən tɵːti pitsajŋən. tɵːsijŋən tɵːsijŋən, jɔːʃɬən nox rakənsət. tonti nʲaːnʲ pox ij uβŋən sʲalŋən kutən joɬta tɵːti saːtʲɬʲ. paː tɵːsijŋən tɵːsijŋən, kurɬən nox rakənsət. tonti nʲaːnʲ pox kurŋəɬ rakənman saːxat torɬi sʲi uβti pitəs: “aːna naː, kurŋəɬam sʲi xasʲsəŋən.” paː tɵːsijŋən tɵːsijŋən, pɔːrəx ʃɵːpɬən nox rakənsət. tonti nʲaːnʲ pox mɵːnti muj βɵːs, sʲi kinʲsʲa uβti pitəs: “mata βɛr! tɵːp oxɛm xasʲəs.” paː tɵːsijŋən tɵːsijŋən, pɔːrəx ʃɵːpeɬ ɔːɬtantəs. tonti nʲaːnʲ pox paː sʲi uβəɬ: “jaː βaːt! xojat kɛpa pɔːrxɛm sʲiβ sʲi ɔːɬtantəs.” paː jeːɬɬi tɵːti pitsajŋən. jɔːʃɬən kurɬən ɔːɬtansət. tonti nʲaːnʲ pox βɵːn nʲax ɛsɬəmtijəɬman joɬta sʲi tɵːti saːtʲɬʲ: “jɔːʃɛm kurɛm sʲiβ sʲi ɔːɬtansət. βaːt mitra, βaːt pisʲ! ʃɵːtʃi βɛr antɵː, aɬ tɵːɬijəm.” tɵːsijŋən tɵːsijŋən, nʲarəm naːŋk, nʲarəm xɵːɬəp kɵːrta joxətsəŋən. ij xɔːta joxi ɬoŋsəŋən. mattirən ij xɔːt suŋən imi ɔːməsəɬ: oxəɬ siβəsən, kurəkən tixəɬa βɛrəm. kimət xɔːt suŋən iki ɔːməsəɬ: oxəɬ karəʃən, βɔːrəʃən tixəɬa βɛrəm. xɔːt kutəpən mir βɔːj βeːɬɬət, xuɬ βeːɬɬət. xɔːt βut pɛləkən ij xɵː oɬ. tonti nʲaːnʲ pox sʲi βɛret ʃiβaɬəmaɬ aːrn, xɵːn pakəɬ xɵːsɬa βɵːɬti? uβti sʲi pitəs: “βaːt, jɔːx, nin! βɵːnta jaŋti βɛr antɵː, jiŋ xuɬ, βɵːn βɔːj xɔːt ɬipijən βeːɬpəsɬəɬti. jaː, tom βaːntaɬən: ij imi oxəɬ moɬti βɔːjən tixəɬa βɛrəm. ” sʲiti potərtaɬ saːxat noβi βɔːj xuβɬəs. noβi βɔːj ʃanʃa ɬɛɬsəŋən, xɔːt βutpija tɵːti pitsajŋən. tonti nʲaːnʲ pox ɬuβ an pakti βɛrəɬən paː sʲi uβti pitəs: “taxa, βaːt βɛr! ɬɔːɬʲsɛmən saː, moɬti βɔːjən xoɬ pɛɬa sʲi xorɛməsijmən.” βuti joxətsəŋən. oɬəm xɵː nox kiɬəmtəs, ɬɵːmətʲɬʲɛməs, niməɬŋəɬ βaːttɛməs, aŋkeɬ imi nʲoɬ βusa ɬoŋɛməs, aːsʲeɬ iki nʲoɬ βus eːβəɬt kim raknəs. tonti nʲaːnʲ pox jeːɬɬi uβtəs: “taxa, aŋken imi, aːsʲen iki nʲoɬ βusŋən pɛlka sʲi tɔːxɬəŋən. βaːt mitra! sʲata xoɬti βɵːɬəm aɬsaŋ nʲoxet, pɵːɬʲsʲaŋ nʲoxet.” joxtəm xɵːjəɬ aɬsaŋ nʲoxiɬaɬ, pɵːɬʲsʲaŋ nʲoxiɬaɬ nik moɬti paːrsəɬɬe. put xɔːnəm aːrn ɬɛti jaːnʲsʲi ɔːməsti paːrsajŋən. xɔːtəŋ xɵː lopijəɬ tonti nʲaːnʲ pox pɛɬa: “naŋ mɔːsəŋ xojat βɔːxti tajɬən?” “an xɵːn tajɬəm?! aːjəɬta sar, maː kim ɛtɬʲəɬəm.” kim ɛtəs. ij uβəŋ sij: “tiɬəsʲ βeːsʲəp βeːsʲəŋ nɛ, maː xosʲama juβa, xatəɬ βeːsʲəp βeːsʲəŋ nɛ, maː xosʲama juβa!” i moɬtijən puβa pɛlək jɔːʃəɬa xojat sʲi kunʃɛməs. “jaː sʲi, xojat kɛpa!” joxi ɬoŋəs, pasan xɔːnəŋa ɔːmsəs. ɬuβ xɔːnŋəɬən sɛm pɛlək por nele ɔːməsəɬ. ɬɛsət jaːsʲsət. xuβ muj βaːn βɵːsət, joxi manti pitsət. tonti nʲaːnʲ pox nɵːməsəɬ: “in jaː xoti aɬt taːsʲən βuʃən jokanɬajəm.” manti pitsət. tapri polxi taβret ɵːxəɬɬaɬa ɬɛɬsajət. sɛm pɛlək por nele ɵːxəɬ puʃija ɬɛɬəs.
5. joxi joxtəs. aŋkeɬ imi ij xɔːt suŋa ɔːməssəɬɬe, oxəɬ βorŋa tixəɬa βɛrsəɬɬe. kimət suŋa aːsʲeɬ iki ɔːməssəɬɬe, oxəɬ kɵːkkɵːk tixəɬa βɛrsəɬɬe. xɔːt xarəɬ jiŋn ʃɔːʃəmsəɬɬe, jeːβətən, nʲarketən, mɵːŋxətən, aːjɬaːŋketən ɛsəɬsəɬɬe, juxətən kat pɛləka ɬɔːsʲsəɬɬe. i moɬtijən sʲiti βɵːɬtaɬ saːxat up jɔːxɬaɬ joxətsət. tonti nʲaːnʲ pox niməɬŋəɬ βaːttɛməs, aŋkeɬ imi suŋ βusa ɬoŋɛməs, aːsʲeɬ iki suŋ βus eːβəɬt joxi ɬoŋɛməs. ʃɔːβərle xɵːŋən patijən tajəɬ. sɛm pɛlək por nelɛŋkeɬa mɛʃəmsəɬɬe, nik kaːβərti paːrsəɬɬe. ʃɔːβər nʲoxi putən jeːtʃəs. xɔːnsəɬɬən, mɔːjəŋ jɔːxɬən pasan xɔːnəŋa βɔːxsəɬɬən ɬɛti jaːnʲsʲi. mɔːjəŋ jɔːx pasan xɔːnəŋa raxəɬsət, ɬɛɬmeɬ antɵː, jaːnʲsʲmeɬ antɵː. jeːʃa βɵːsət, kimət βɛŋəɬ xɔːta mansət. sʲi xɔːteɬən ɔːməstaŋəɬ jam lɔːta ɔːməssajət, ɬɔːɬʲsʲaŋəɬ jam lɔːta ɬɔːnʲsʲəsijət. maːβəŋ pasanən, sorəŋ pasanən βɛrsajət. ɬaːpətsajət jaːnʲɬʲsʲəsijət. ɬiβ muβɛŋ jɔːx, jiŋkɛŋ jɔːx joxi manti sɔːntəməsət. aktəsʲsajət, ponansajət, βɛŋ jɔːxɬaɬən morta mɔːjɬəsijət. joxi manset. ɬiβ manmeɬ jupijən βɛŋ xɵː, tɔːn xɵː kiɬeɬ xosʲa manəs. kiɬilɛŋkeɬ xɔːt βoɬəɬ pɵːsəŋən tɵːp kaːβərəɬ. βaːntəɬəs, βaːntəɬəs, ij ɬijəm tonti aːŋkəɬleːnki ɬɔːɬʲ! sʲiβ manəs, tonti aːŋkəɬle nox mɛnəmsəɬɬe. por nele, mattirən sʲata ɔːməsəɬ. kiɬeɬən pɔːjəksa, joxi βɔːxsa. ɬin xɔːtən tajti pitsəɬɬe moɬtas jɔːʃ, moɬtas kur jokana, xɔːt ɬipi sortət tuŋmatti sʲira. |
